Kjo për shkak të mungesës së një marrëveshjeje ekstradimi mes Shqipërisë dhe Emirateve të Bashkuara Arabe dhe burokracive të shumta në procedura.

Pengesa më e madhe përsa i përket ekstradimit ishte mungesa e një traktati dypalësh ekstradimi mes Shqipërisë dhe Emirateve të Bashkuara Arabe.

Por duket se tashmë vendi i sigurt i kriminelëve shqiptarë nuk do të jetë më i tillë.

Ministria e Drejtësisë shqiptare ka dërguar 3 draft-marrëveshje në Ministrinë e Jashtme për Emiratet e Bashkuara Arabe me të cilën kërkohet lidhja e një marrëveshjeje ekstradimi, transferimi i të dënuarve dhe bashkëpunim në fushën penale.

Gjatë pesë viteve të fundit, numri i atyre që migrojnë në Emiratet e Bashkuara Arabe është rritur ndjeshëm, për të shijuar lirinë e tyre.

Një prej është Florenc Çapja, një nga drejtuesit e një bande famëkeqe kriminale në qytetin e Elbasanit. Në maj të vitit të kaluar, pasi u arrestua nga autoritetet në Dubai, Shqipëria kërkoi pa sukses ekstradimin e tij nën akuzat për dy vrasje në vitin 2012.

Një emër tjetër i njohur që drejtësia shqiptare e kërkon është ai i Plaurent Dervishajt.

SPAK në 2020 bëri një lëvizje kubdër bandës së Durrësit dhe akuzoi anëtarët kryesorë të bandës për përfshirje në tre vrasje në 2005 dhe lëshoi ​​urdhër arresti ndërkombëtar për disa prej tyre, duke përfshirë Plaurent Dervishajn, rezident në Dubai.

Policia në Emiratet e Bashkuara Arabe e kapi atë dhe autoritetet në Tiranë nisën procesin për ekstradimin e tij. Dervishaj, megjithatë, ende nuk është dorëzuar dhe që atëherë është liruar nga paraburgimi.