Bussines Insider shkruan se Garland do të japë llogari për ish-agjentin e FBI-së Charles McGonigal, i cili është vënë nën akuzë për korrupsion. Kryesisht, ai do të pyetet për përfshirjen e McGonigal në zgjedhjet presidenciale të vitit 2016, kohë kur u ‘dëmtua’ Clinton dhe u favorizua Trump. Një tjetër çështje për të cilën Garland do të pyetet do të jetë edhe lidhja e McGonigal me oligarkun rus Oleg Deripaska.

Në në artikull të zgjeruar Bussines Insider shkruan:

Demokratët, kanë ngritur pyetje në lidhje me kontrollin e armëve, reformën e drejtësisë penale dhe izolimin në burgjet federale. Capitol Hill tashmë i ka kërkuar Garlandit përgjigje në lidhje me rastin e ish-agjentit të FBI-së, Charles McGonigal, i cili drejtonte kundërzbulimin në zyrën në terren të byrosë në Nju Jork.

Më 7 shkurt, Senatori Sheldon Whitehouse, i Rhode Island, i dërgoi Garlandit një letër mbi arrestimin e McGonigal. Në qendër të këtij rasti është marrëdhënia e McGonigal me Oleg Deripaska, që manipuloi zgjedhjet presidenciale të vitit 2016, Paul Manafort.

Letra e Whitehouse thekson se McGonigal ishte agjent special i ngarkuar me divizionin e kundërzbulimit në zyrën e FBI-së në Nju Jork në vitin 2016. Ju mund të kujtoni dyshimet se ishte zyra e Nju Jorkut ajo që rrëmbeu vëmendjen e drejtorit James Comey që çoi në rihapjen prej 11 orësh të dosjes së serverit të Hillary Clinton, një kthesë përfundimtare vendimtare në ato zgjedhje. Whitehouese i rikthen të gjitha këto çështje:

Meqenëse McGonigal ishte agjenti special përgjegjës i divizionit të kundërzbulimit të Zyrës së FBI-së në Nju Jork në javët gjatë zgjedhjevve të vitit 2016, ai mund të ketë njohuri ose të ketë marrë pjesë në aktivitete politike për të dëmtuar kandidaten e atëhershme të Hillary Clinton dhe për të ndihmuar kandidatin e atëhershëm Donald Trump. Për shembull, gjatë asaj periudhe kohore, Rudy Giuliani njoftoi se një “surprizë e madhe” në lidhje me Sekretaren Clinton do të vinte nga FBI, duke lënë të kuptohet se ai e kishte marrë atë informacion nga Zyra në terren në Nju Jork. Të nesërmen, drejtori James Comey, që thuhet se iu nënshtrua presionit të brendshëm nga ajo zyrë, theu politikën e zakonshme të FBI-së për të refuzuar të komentojë mbi çështjet dhe njoftoi se FBI do të rihapte hetimin.

Situata është edhe më shqetësuese duke pasur parasysh se McGonigal u arrestua pasi dyshohet se punonte me oligarkun rus Oleg Deripaska, të cilin McGonigal iu caktua të hetonte ndërsa punonte për FBI-në.
Deripaska, një bashkëpunëtor i njohur i kryetarit të fushatës së Trump 2016 Paul Manafort, u sanksionua për ndërhyrje në zgjedhjet presidenciale të vitit 2016 për të ndihmuar Donald Trump.

Nuk duhet shumë imagjinatë për të kuptuar marrëdhënien midis McGonigal dhe Deripaska si një çelës të mundshëm për të gjitha këto pyetje ose, siç thotë senatori Whitehouse në letrën e tij:

E gjithë kjo është potencialisht e turpshme për FBI-në, duke e bërë jetike që çdo kërkesë të shoqërohet me një debrifikim të plotë dhe që dikush jashtë organizatës të udhëheqë çdo debrifikim që ndodh.
Ju lutemi jepni garanci se FBI nuk do të vihet në një pozicion të tillë dhe mposhtni çdo dyshim për ‘sjelljet e këqija’ që mund të kenë ndodhur në radhët e saj.

Duke pasur parasysh dosjen akzuave të McGonigal në FBI, një hetim mbi aktivitetet e tij mund të çojë pothuajse kudo.

Dosja e Charles McGonigal dhe përfshirja e kryeministrit Rama

Më 25 janar u bë e ditur se në Neë York është arrestuar ish-shefi i kundërzbulimit të FBI me akuza të rënda se ka mbështetur një oligark rus të sanksionuar nga Shtetet e Bashkuara të Amerikës, por edhe se ka marrë ryshfet nga një ish-agjent i shërbimit sekret shqiptar.

Charles McGonigal ka punuar për sektorin e kundërzbulimit të FBI-së, derisa u largua nga FBI-ja në shtator të vitit 2018 dhe ndër të tjera mbulonte edhe Shqipërinë dhe Bosnje Hercegovinën.Ai akuzohet se ka marrë 225 mijë dollarë nga një ish-punonjës i shërbimeve sekrete të Shqipërisë dhe ka zhvilluar një sërë takimesh me biznesmenë dhe politikanë në Shqipëri, Kosovë dhe Bosnje, por pa i raportuar ato sipas rregullave./zoom.al/