Bie në sy në listën me 5 anëtarë emri i ish-deputetes së Partisë Socialiste, Vasilika Hysi e cila ka drejtuar Komisionin për Çështjet Ligjore në Kuvend gjatë dy mandateve të para të qeverisë Rama.

Gjithashtu pjesë e bordit do të jetë edhe profesoresha e njohur e Departamentit të Gazetarisë, Iris Luarasi, e cila gjithashtu njihet për lidhjet me partinë në pushtet.

Ndërkohë që largohet nga ky bord një gazetar. Bëhet fjalë për Adrian Thanon, I cili gjendej në këtë bord prej shumë vitesh.

“V E N D I M PËR EMËRIMIN NË DETYRË TË DISA ANËTARËVE TË BORDIT MBIKËQYRËS TË AGJENCISË PËR MBËSHTETJEN E SHOQËRISË CIVILE. Në mbështetje të nenit 100 të Kushtetutës dhe të nenit 8, të ligjit nr.10093, datë 9.3.2009, “Për organizimin dhe funksionimin e Agjencisë për Mbështetjen e Shoqërisë Civile”, me propozimin e Kryeministrit, Këshilli i Ministrave V E N D O S I: Emërimin në detyrë të disa anëtarëve të bordit mbikëqyrës të Agjencisë për Mbështetjen e Shoqërisë Civile, përfaqësues nga organizatat e shoqërisë civile, si më poshtë vijon:

– Z. Bashkim Muça;

– Znj. Iris Luarasi;

– Z. Leart Kola;

– Z. Ylljet Aliçka;

– Znj. Vasilika Hysi”.