Sipas policisë, ngjarja ka ndodhur rreth orës 20:10 në afërsi të Kinema Agimit, teksa një autobus urban është përlasur me një makinë dhe për rrjedhojë të dyja mjetet kanë përfunduar në Lanë.

Tiranë/Informacion paraprak

Më datë 29.04.2022, rreth orës 20:10, në afërsi të Kinema Agimi, një autobus është përplasur me një automjet, dhe si pasojë drejtuesi i autobusit ka humbur kontrollin mbi drejtimin e tij dhe ka rënë në Lumin Lana.

Si pasojë e aksidentit janë dëmtuar dhe janë paraqitur në spital dhe ndodhen jashtë rrezikut për jetën dy pasagjerët e automjetit që u përplas me autobusin.

Grupi hetimor ndodhet në vendngjarje dhe po punon për sqarimin e rrethanave të aksidentit.