Amnistia Penale u miratua në parlament më datë 4 prill, me 110 vota pro. Ky ligj ishte i cilësuar dhe kërkonte patjetër 84 vota, teksa dy PD-të ishin shprehur kundër. Por një marrëveshje me PD e Rithemelimit, bëri që ligji të dakordësohej e votohej.

PS dhe PD e Rithemelimit deklaruan se ishte hequr neni për çështjet e hetuara nga SPAK, pra për lirimin e zyrtarëve të akuzuar dhe dënuar. Por PD zyrtare edhe sot akuzoi dhe theksoi se nga amnistia përfitojnë shumë ish-zyrtarë të dënuar dhe hetuar.

Njoftimi i Presidencës:

“Tiranë, më 09.04.2024

Presidenti i Republikës, Sh. T. Z. Bajram Begaj, firmosi sot dekretin nr. 139, datë 09.04.2024, “për shpalljen e ligjit nr. 33/2024 “Për dhënie amnistie”. /ZOOM.AL/