Day Archive4.5 milionë euro në vit! A do ta pranojë Maurizio Sarri ofertën e klubit grek?!

Përgjigja e Maurizio Sarri për propozimin e Panathinaikos është negative sipas burimeve nga Italia pranë trajnerit italian.

“Ishte një propozim sfidues, por Sarri dëshiron të presë të rifillojë ose në Itali, ose të kthehet në Angli, të cilën ai ka deklaruar se do ta dëshironte shumë”, thanë ata për APE-MPE.

Sipas Sport-FM, Panathinaikos i ka bërë një ofertë që kalon 4 milionë euro në vit për një kontratë trevjeçare trajnerit italian dhe pret përgjigjen përfundimtare deri të dielën.

Por mësohet se shanset nuk janë në favor të skuadrës greke. Trajneri i madh italian 65-vjeçar u largua nga Lacio në mesin e marsit të këtij sezoni dhe që atëherë ka mbetur i lirë.

Ai është ulur në stolin e Juventusit, me të cilin fitoi Serinë A në 2020, Chelsea, me të cilin fitoi Europa League në 2019 dhe Napoli.

Medalja e Çmimit Nobel i dhurohet Universitetit të Kembrixhit Gjendet trupi i djegur i një burri, i biri qëndronte pranë tij! Misteri i vdekjes

Policia greke po heton vdekjen e një burri në Liosia, trupi i të cilit u gjet i djegur.

Pranë trupit është gjetur edhe djali i viktimës, i cili dyshohet se ka djegur të atin.

Ai ka deklaruar për hetuesit se i ati kishte ndërruar jetë dhe nuk kishte para për ta varrosur.

Ekspertiza mjekoligjore do të përcaktojë nëse ai është vrarë nga i biri, i cili dyshohet se vuante nga probleme psikologjike, apo nëse ka vdekur dhe më pas djali i tij ka dashur t’i djegë trupin.

“Jemi mirëkuptues me njëri-tjetrin”-Sara flet për raportin me Ledrin: S’e vras më mendjen për asgjë

Sara Hoxha dhe Ledri Vula prej shumë muajsh përfliten se i kanë dhënë fund martesës së tyre, por asnjëri s’ka sqaruar publikisht raportin e tyre.

Por, një veprim i blogeres e cila riktheu në Instagram foto me këngëtarin u duk si rikthim, megjithatë ajo ka lënë të nënkuptohet se ende gjërat nuk janë sqaruar mes tyre.

Ajo u shpreh se kjo është një temë delikate dhe dëshironte ta mbante private, duke shtuar se nuk do të flasë derisa gjërat të qetësohen dhe të dy bashkë të marrin vesh se ç’po ndodh mes tyre.

“Çdo gjë që ndodh me Poin e vendosim bashkë. Ne jemi mirëkuptues me njëri-tjetrin, nuk do e ndalonte së realizuari dëshirën time për ta pasur Poin në ndonjë projekt timin, ky film do jetë kujtim për gjithë jetën. Nuk e di a do të jetë në premierën e filmit, se dimë sa e fortë do të jetë Poi për ta sjellë, por filmin do ta shohë. Filmin tim nuk e ka parë fare.

Me thënë të drejtën është një temë shumë delikate të cilën ende dua ta mbaj private. Ndonjëherë çfarëdo përgjigjje të japësh nuk është ajo që publiku dëshiron të dëgjojë. Derisa gjithçka të qetësohet dhe ne të marrim vesh se cfarë po ndodh, nganjëherë je e ngarkuar dhe ndikohesh nga cdo gjë. Të shkojë si të shkojë, unë nuk po e vras më mendjen për asgjë. Nuk dua të them asgjë, çfarë të them”, tha Sara Hoxha në Cherry on Top.

Ndërtimi nuk rrit mirëqenien! Shqipëria, sërish e fundit në Europë për të ardhurat për frymë

Rritja ekonomike e nxitur kryesisht nga fluksi i lartë i ndërtimeve dhe shitjeve të pasurive të paluajtshme, apo dhe numri i lartë i turistëve nuk duket që të jenë përmirësuar mirëqenien e shqiptarëve.

Të dhënat e fundit të Eurostat bënë të ditur se në vitin 2022, Shqipëria u rendit e fundit në Europë s ai përket Prodhimit të Brendshëm për Frymë, me 34% të mesatares Europiane. Vendit ia ka kaluar dhe Bosnjë Hercegovina, që sipas të dhënave të mëparshme ishte në të njëjtin nivel me Shqipërinë.

Të ardhurat e Bosnjës ishin sa 35% e mesatares europiane, të Maqedonisë së Veriut sa 42% e Be-së. Serbia e kishte këtë tregues 44%, ndërsa nivelin më të lartë në rajon e ka Mali i Zi, me 50%. Të dhënat për Kosovën nuk janë të disponueshme.

Edhe në tregues tjetër, atë të të konsumit individual për frymë (AIC), i cili mat fuqinë blerëse të mallrave e shërbimeve, Shqipëria renditet e fundit, me 41% të mesatares europiane, ne të njëjtat nivele me Bosnjë Hercegovinën. Nivelin më të lartë e ka Mali i Zi me 63%, e ndjekur nga Serbia me 53% dhe Maqedonia e Veriut me 50%.

Sipas shpjegimit të Eurostat, megjithëse PBB për frymë është një tregues i rëndësishëm dhe i përdorur gjerësisht i nivelit të mirëqenies ekonomike të vendeve, konsumi për frymë mund të jetë më i dobishëm për krahasimin e mirëqenies relative të konsumatorëve në vende të ndryshme.

Gjatë vitit 2022, ekonomia shqiptare u rrit me 4.85%, por rreth gjysma e kësaj rritjeje erdhi nga ndërtimi dhe pasuritë e paluajtshme, që u zgjeruan përkatësisht me 10.7% dhe 11.2%. Duket se kjo rritje që po vjen nga ndërtimi nuk po arrin të përmirësojë mirëqenien e shqiptarëve, që vijojnë të mbeten më të varfrit e Europës.

Europa

Sipas Eurostat, produkti i brendshëm bruto (PBB) i Bashkimit Europian në vitin 2021 përfaqësonte 15.2% të PBB-së botërore kur shprehet në standardet e fuqisë blerëse (PPS).

Ekonomia më e madhe në botë në vitin 2021 ishte Kina me rreth 18.9% të PBB-së botërore. Shtetet e Bashkuara ishin të dytat më të mëdha, me 15.5% të PBB-së. BE-ja ishte në vendin e tretë, me 15.2%.

Në mesin e 20 vendeve në botë me një pjesë më të madhe se 1% të PBB-së botërore të shprehur në PPS, ishin 5 vende të BE-së: Gjermania (3.4%), Franca (2.4%), Italia (1.9%), Spanja (1.4%) dhe Polonia (1.0%). Të gjitha së bashku kontribuuan me rreth 10.1% në PBB-në botërore.

Duke parë PBB-në për frymë për 20 ekonomitë më të mëdha të botës në vitin 2021, vetëm 6 vende ishin mbi mesataren e BE-së: Shtetet e Bashkuara, Gjermania, Australia, Kanadaja, Franca dhe Mbretëria e Bashkuar. Ndërsa ekonomia kineze ishte më e madhja për sa i përket PBB-së në PPS, PBB për frymë ishte vetëm 39% e mesatares së BE-së.

Kishte një ndryshim 9-fish midis GDP-së më të lartë dhe më të ulët për frymë midis 20 ekonomive më të mëdha të botës (Shtetet e Bashkuara me 137% të mesatares së BE-së krahasuar me Indinë me 15% të mesatares së BE-së)./Monitor

Netanyahu i përgjigjet Biden: Lufta nuk do të përfundojë

Zyra e kryeministrit Benjamin Netanyahu ka lëshuar një deklaratë të lëshuar menjëherë pas një fjalimi të presidentit amerikan Joe Biden, i cili i bëri thirrje Izraelit dhe Hamasit të pranojnë propozimin e tij për të arritur një marrëveshje për lirimin e pengjeve.

Në deklaratë u theksua se qeveria izraelite është e bashkuar me dëshirën për të kthyer pengjet, sa më shpejt të jetë e mundur dhe se po punohet drejt këtij qëllimi.

“Prandaj, Kryeministri autorizoi ekipin negociator të paraqesë një plan për arritjen e këtij objektivi, duke këmbëngulur se lufta nuk do të përfundojë derisa të arrihen të gjitha objektivat e saj, duke përfshirë kthimin e të gjithë pengjeve dhe eliminimin e ushtrisë dhe të qeverisë së Hamasit”, tha zyra e Netanyahut.

“Përshkrimi i saktë i propozuar nga Izraeli, duke përfshirë kalimin e kushtëzuar nga faza në fazë, i lejon Izraelit të ruajë këto parime”, shton deklarata, sipas Times of Israel.

 

Fëmijët e “zhdukin” nga jeta e tyre, Brad Pitt i shkatërruar nga vendimi i vajzës biologjike

Brad Pitt është shkatërruar pas vendimit të vajzës së madhe, Shiloh, për të refuzuar mbiemrin e tij dhe për të mbajtur atë të nënës së saj Angelina Jolie.

Tri vajzat e tyre, Vivienne, Zahara dhe Shiloh kanë vendosur të përdorin vetëm mbiemrin e nënës së tyre, duke treguar kështu se nuk duan të kenë të bëjnë me aktorin.

Megjithatë, ajo që e lëndoi më shumë Brad ishte vendimi i Shiloh. Sipas Daiy Mail, ylli i Hollywood është lënduar që vajza e tij zgjodhi mbiemrin ‘Jolie’ pasi festoi 18 vjetorin e lindjes.

“Tani që Shiloh është 18 vjeç dhe mund të vendosë vetë se si do të zhvillohet marrëdhënia e saj me të atin, ajo ka zgjedhur ta bëjë këtë lëvizjen e saj të parë si e rritur”, thotë një burim pranë aktorit, teksa shtoi se Brad humbi kështu shpresën e vetme që kishte për të riparuar marrëdhënien e tij me vajzën e tij biologjike.

“Asgjë nuk është zgjedhja e Angelina Jolie. Nëse Shiloh vendos të ketë kontakte të kufizuara me babanë e saj, atëherë ky është vendimi i saj ”, thotë burimi.

Por shtoi se çfarëdo që të vendosë, Brad Pitt do të vazhdojë ta dojë pa kushte.

“Ai gjithashtu do të donte që Shiloh të fillonte të merrte vendimet për të ardhmen e saj. Kështu që Brad vetëm pret të shohë se çfarë do të ndodhë dhe shpreson për më të mirën.”

Aktori është përpjekur shumë herë të ribashkohet me fëmijët por pa asnjë rezultat.

Dy muaj më parë, aktori tërhoqi kërkesën për të kërkuar kujdestarinë e gjashtë fëmijëve duke ia lënë Angelina Jolie.

Përkundër asaj që është raportuar, asnjëra palë nuk ka njoftuar zyrtarisht apo përmes një përfaqësuesi lidhur me këtë. Megjithatë, Brad nuk duket se ka zgjidhje tjetër. Katër nga fëmijët e tij, të cilët tani janë të rritur (22-vjeçari Maddox, 20-vjeçari Pax dhe 19-vjeçari Zahara dhe 18-vjeçari Shiloh), nuk kanë një marrëdhënie të mirë me babanë e tyre dhe, si të rritur, nuk mbulohen nga asnjë marrëveshje kujdestarie.

Mohuan se u puthën, dalin pamjet e Albano Bogdos dhe Baby G në shtrat

Albano Bogdo dhe Baby G prej disa kohësh përfiten për një pëlqim të ndërsjelltë mes tyre.

Aktori ka shprehur publikisht ndjenjat ndaj këngëtares në Ferma Vip, pasi fillimisht e mohoi se këtë gjë.

Ndërsa u aludua se kishin shkëmbyer puthje, por të dy deklaruan se kjo gjë nuk kishte ndodhur.

“Me Albanon jemi shokë”, tha këngëtarja, duke shtuar se “Nuk jemi puthur”. E njëjta gjë u pohua edhe nga aktori, i cili i qëndroi deklaratave të konkurrentes.

Por, disa pamje të tyre në shtrat në momente intime nxorrën zbuluar aktorin dhe Baby G.

Biden paraqet propozimin e ri për fundin e luftës në Gaza: Ofertë që s’mund ta refuzojnë

Një propozim izraelit për armëpushim, iu është shpallur botës nga president amerikan. Joe Biden ka vendosur një marrëveshje armëpushimi që përmban tre faza dhe që do të çonte, sipas fjalëve të tij, në “një ndërprerje të armiqësive, përgjithmonë”.

Në fjalët e tij, Biden pranoi se do të kishte disa në Izrael që nuk do të ishin të kënaqur me propozimin, duke përfshirë disa në koalicionin qeverisës, por ai i kërkoi udhëheqjes së vendit të “qëndronte pas” tij.

Ai gjithashtu iu drejtua drejtpërdrejt popullit të Izraelit, duke thënë se “nuk mund ta humbim këtë moment”.

Deri më tani, kryeministri izraelit ka refuzuar të pranojë çdo propozim që binte dakord për përfundimin e luftës. Partnerët e tij të koalicionit të ekstremit të djathtë kanë kërcënuar gjithashtu se do të largohen, dhe kështu do të rrëzojnë qeverinë, nëse Netanyahu pranon një armëpushim të përhershëm.

Nga ana e tij, Hamasi ka refuzuar të lirojë pengjet izraelite, në këmbim të një armëpushimi dhe lirimin e të burgosurve palestinezë, përveç nëse një marrëveshje e tillë do të çonte në “një periudhë të qëndrueshme qetësie”.

Megjithatë, Hamasi dje u duk se hodhi poshtë ofertën izraelite që iu paraqit nga ndërmjetësit e Katarit.

Mbrëmjen e sotme, një zyrtar palestinez i njohur me negociatat, i cili ka parë propozimin e ri izraelit, tha se dokumenti nuk përfshin garanci se lufta do të përfundojë dhe as që trupat izraelite do të tërhiqen plotësisht nga Gaza.

Përfundimi i luftës në Gaza: Propozim me tre faza

Klea Huta dhe Elgit Doda janë ndarë? Moderatorja tregon të vërtetën

Klea Huta dhe Elgit Doda pak ditë më parë u aludua se janë ndarë. Por moderatorja i ka vënë “kapakun” thashethemeve duhet mohuar lajmet.

Teksa zhvillonte një bisedë virtuale me ndjekësit, ata e pyetën: “A je bashkë me Elgitin, a e do atë?”

Ajo u përgjigj duke ironizuar: “Po jam ndarë”, shoqëruar me një video ku shfaqet në makinë me bashkëshortin e saj dhe të dy qeshin para kamerave.