Day ArchiveRikthehet nesër dita pa makina në Tiranë, orari dhe rrugët ku qarkullimi i mjeteve do të kufizohet

Nesër do të rikthehet dita pa makina në Tiranë, ku orari dhe rrugët që do të qarkullojnë mjetet do të jetë i kufizuar.

Qarkullimi i automjeteve do të kufizohet nga ora 06: 00 deri në orën 17:00 në disa nga segmentet kryesore në kryeqytet.

Njoftimi:

Kjo e dielë do të jetë për qytetarët e Tiranës një “Ditë pa makina”, ku qarkullimi i automjeteve do të kufizohet gjatë një orari të caktuar.

Qarkullimi i automjeteve do të kufizohet nga ora 06: 00 deri në orën 17:00 në disa nga segmentet kryesore në kryeqytet, ndërsa është hartuar një plan i lëvizjes për mjetet e emergjencës dhe atyre të Policisë së Shtetit.
E diela do të jetë e mbushur me aktivitete të shumta dhe surpriza pa fund.

1. Kufizimin e qarkullimit të automjeteve, në kuadër të zhvillimit të aktivitetit promovues “Tirana pa makina’, në datat 5 Maj 2024 dhe 1 Qeshor 2024, në periudhat kohore nga ora 06:00 deri në oren 17:00, në segmentet e mëposhtme:
– Bulevardi “Dëshmorët e Kombit”, duke filluar nga Ministria e Brendshme deri në fillim të “Ish- Hotel Dajti.
– Bulevardi ‘Dëshmorët e Kombit”, duke filluar nga Ura e “Ish Hotel Dajtit” deri në kryqëzimin me rrugën “Ismail Qemali”.
2. Qarkullimi i automjeteve të vazhdojë në rrugën “Ibrahim Rugova”, Bulevardin “Zhan Dark”, bulevardin Bajram Curri” dhe në rrugën ‘George.W.Bush”.
3.Qarkullimi i mjeteve të emergjencës dhe Policisë së Shtetit të vazhdojë normalisht në të gjitha segmentet rrugore të mësipërme.
4. Linja Nr. 13 “Tirana e Re” dhe Linja Nr. 2 “TEG – Sauk i Vjetër – Kopshti Zoologjik – Ish Stacioni Trenit” të devijojnë në rrugën “Ibrahim Rugova”.

Akuzohet për marrje ryshfeti, ligjvënësi amerikan: Do vazhdoj fushatën për një mandat tjetër

Ligjvënësi Henry Cuellar, i cili përfaqëson për dy dekada një zonë të Teksasit që shtrihet në kufi me Meksikën, i zgjedhur për herë të parë në vitin 2004 në Dhomën e Përfaqësuesve, ka mbajtur herë pas herë qëndrime kundër vijës së partisë së tij për çështje si armëmbajtja dhe imigracioni, por nuk është përballur me sfida të mëdha për t’u rizgjedhur.

I lindur në Laredo të Teksasit, ligjvënësi demokrat përballet me akuza federale për komplot dhe marrje ryshfeti.

Cuellar, 68 vjeç dhe bashkëshortja e tij 67 vjeçare, Imelda, u arrestuan të premten lidhur me një hetim të Departamentit të Drejtësisë për lidhjet e çiftit me Azerbajxhanin.

Ligjvënësi deklaroi se ishte i pafajshëm në lidhje akuzat dhe u zotua se do të vazhdojë fushatën për mandatin e 11, duke thënë se: “Gjithçka kam bërë në Kongres ka qenë në shërbim të popullit të Teksasit jugor”.

Çifti akuzohet se ka pranuar rreth 600,000 dollarë ryshfet nga një kompani energjetike e kontrolluar nga Azerbajxhani dhe një bankë në Meksikë. Në këmbim, ata dyshohet se ranë dakord që të çojnë përpara interesat e këtyre dy subjekteve në Shtetet e Bashkuara, thuhet në aktakuzë. Çifti u dorëzua pranë autoriteteve dhe dolën para një gjykatësi federal në Hjuston. Ata u liruan përkundrejt një garancie prej 100 mijë dollarësh secili. Familja e ligjvënësit Cuellar njihet në zonën kufitare të Teksasit.

Vëllai i tij është drejtues i organeve të rendit në Laredo dhe motra e tij, ish gjykatëse komune, po konkurron këtë vit si kandidate demokrate për legjislaturën e shtetit të Teksasit.

Disa nga aleatët e ligjvënësi Cuellar në qarkun që ai përfaqëson, i cili shtrihet nga Rio Grande deri në periferi të San Antonio, shprehën habi lidhur me aktakuzat, por thanë se do ta mbështesnin rizgjedhjen e tij.

Zoti Cuellar lëshoi një deklaratë të premten duke thënë se ai dhe gruaja e tij “janë të pafajshëm lidhur me akuzat”.

Ata përballen gjithashtu me akuza të tjera si mashtrime bankare dhe pastrim parash. Nëse gjenden fajtorë, ata mund të dënohen me dhjetëra vite burg dhe konfiskim të pasurive të përfituara nga skemat e dyshuara.

Pagesat për çiftin fillimisht kaluan përmes një kompanie guaskë me qendër në Teksas, në pronësi të zonjës Imelda Cuellar dhe dy prej fëmijëve të çiftit, sipas padisë. Pagesat prej 25 mijë dollarë në muaj ishin nga një kompani energjetike në Azerbajxhan në bazë të një “kontrate false” gjoja në këmbim të shërbimeve të paspecifikuara të konsulence dhe këshillave strategjike.

“Në realitet, kontrata ishte një dredhi e përdorur për të maskuar dhe legjitimuar marrëveshjen korruptive midis Henry Cuellar dhe qeverisë së Azerbajxhanit”, thuhet në aktakuzë.

Dokumentet e gjykatës tregojnë se, në këmbim të parave ligjvënësi Henry Cuellar u përpoq të përdorte postin e tij publik për të ndikuar në politikën e jashtme të Shteteve të Bashkuara në favor të Azerbajxhanit dhe për të ushtruar trysni ndaj zyrtarëve të qeverisë amerikane për të ndihmuar përpjekjet lobuese të bankës meksikane për frenimin e zbatimit të politikave kundër pastrimit të parave dhe rregulloreve të huadhënies që kërcënonin biznesin e saj.

Në padi, mes tjerash, përmendet edhe mbështetja e ligjvënësit Cuellar për sigurimin e fondeve për Azerbajxhanin dhe një fjalim pro-Azerbajxhanit që ai mbajti në Dhomën e Përfaqësuesve.

Zoti Cuellar tha përmes një deklarate se kishte kërkuar këshilla ligjore nga Komiteti i Etikës i Dhomës së Përfaqësuesve dhe një firmë ligjore.

“Ne kërkuam një takim me prokurorët në Uashington për të shpjeguar faktet, por ata nuk pranuan ta diskutonin çështjen me ne dhe të dëgjonin shpjegimin tonë”, shtoi ai.

Secili prej tyre përballet me 14 akuza, përfshirë marrje ryshfeti, mashtrim, veprim si agjent i huaj gjatë postit zyrtar dhe pastrim parash. Disa nga akuzat parashikojnë një dënim maksimal prej 20 vitesh burg.

Ligjvënësi Cuellar nuk është i vetmi anëtar i Kongresit që përballet me akuza federale. Senatori demokrat Bob Menendez është në pritje të gjyqit lidhur me akuzat për korrupsion në Nju Jork. Republikani George Santos u shkarkua nga Dhoma e Përfaqësuesve vitin e kaluar dhe tani është në pritje të gjyqit lidhur me akuzat për shkelje të ligjeve të financimit të fushatës. Senatori Menendez dhe ish ligjvënësi Santos i kanë mohuar akuzat./VOA

Prishet miqësia mes Rozës dhe Julit! Moderatorja: S’më bën dot budallaqe

Miqësia dhe aleanca mes Roza Latit e Julian Dedës duket se është prishur.

Moderatorja u shpreh se aktorin kërkon që ta lërë në hije, por theksoi se nuk e bën dot për budallaqe.

Roza: Unë e kam treguar strategjinë time të lojës në shtëpi. Juli ma lidh gjënë me këshillën që më dha Rikja, Unë i them Julit miqësisht më dha këtë këshillë. I them Julit duhet me i rënë të gjithëve, por ditët në vazhdim nuk e kam bërë këtë gjë. Unë i xhiroj që të gjithë po të dua. Me Julin situata ishte organike, Juli më ndërpreu mendimin për Eglën, nuk dua ta komentoj. Çohem e gjej duke folur për Eglën. Të nesërmen po e njëjta gjë. Kur i kërkova mendim Julit për situatën e Eglës, nuk dua ta komentoj tha.  Me Eglën Heidin dhe Romeon, ka nerva ta zgjasë debatin. Aty e vura në pozitë thash ke nerva vecc me Heidin dhe Eglën. U kap me fjalë që ti Rozë do ti biesh Eglës. Mua nuk më bën dot për budallaqe. Të më bësh mua lojëra dhe ti japësh rëndësi vet, unë them janë lojëra.

Juli: Roza po më bën atë që vetë më ka thënë. Nuk e kam problem. Unë jam akuzuar se nuk e lë të japë mendimin e saj. I kam thënë disa herë sa rrin e komenton Eglën cepave, shko komentoje atje përballë. Roza po ia bën vetë vete se i lë të tjerët të ndërhyjnë. 

Aktori rrëfen problemet me drogën e alkoolit: Kokaina ishte si kafeja

Alec Baldwin është një nga aktorët më të njohur në Hollywood. 66-vjeçari, me një karrierë të lakmueshme kinematografike, ka arritur të luajë në projekte të mëdha në dekadat e fundit.

Megjithatë, ai kishte edhe një periudhë të errët ku alkooli dhe droga i “pushtuan” jetën.

Amerikani foli në podcastin “Our Way with Paul Anka and Skip Bronson” se si ishte ajo kohë në jetën e tij, veçanërisht kur kishte u përball me probleme me kokainën.

“Dua të them, kokaina ishte si kafeja në atë kohë. Të gjithë e konsumonin gjatë gjithë ditës”, tha Baldwin.

Megjithatë, Alec Baldwin e quajti dorëheqjen pothuajse 40 vjet më parë: “Unë e diskutoj atë herë pas here. Ka 39 vjet që nuk e pi kokainën. Jam ‘esëll’ që nga 23 shkurt 1985.”

Megjithatë, ndryshe nga kokaina, Baldwin-it i mungon alkooli: “Nuk më mungon fare droga, por më mungon pirja. Më pëlqen të pi”.

Video/ Dështon aksioni, si iu ikin nga “duart” dhjetëra policëve shpërndarësit e drogës

Ka dështuar një aksion policie për kapjen e shpërndarëve të drogës në Berat.

Dy prej agjentëve civilë u afruan drejt mjetit ku ndodheshin trafikantët, ndërsa të tjerë qëndronin të fshehur.

Por efektivët janë pikasur dhe drejtuesi i mjetit i ka dhënë makinës mbrapsht duke dalë në rrugë kryesore.

Edhe pse agjentët u mobilizuan dhe dolën para makinës në tentativë për ta ndaluar, s’kanë mundur.

“Kanë qenë 20 policë dhe nuk e ndaluan dot”, shkruan një dëshmitar për JOQ.

 

 

View this post on Instagram

 

A post shared by JOQ News (@joqnews)

Real Madridi kurorëzohet kampion i La Liga pasi Girona mundi Barcelonën

Real Madridi, nën drejtimin e Carlo Ancelotti, ku kurorëzua kampion i La Liga pas një fitore vendimtare 3-0 kundër Cadiz në Estadio Santiago Bernabau, si edhe humbjes së Barcelonës ndaj Gironas.

Ndeshja tregoi cilësinë e skuadrës së Real Madridit, duke u dëshmuar thelbësore në përpjekjet e tyre për kampionatin.

Brahim Diaz spikati në ndeshje, duke kontribuar me një gol dhe një asist, duke sinjalizuar një festë të afërt të titullit të ligës me thirrjet “kampionë, kampionë”.

Ancelotti ndryshoi strategjikisht formacionin e tij, duke pasur parasysh angazhimet e vazhdueshme të Ligës së Kampionëve. Në qendër të vëmendjes ishte Arda Guler përfshirja e të cilit në formacionin fillestar në Bernabeu sinjalizoi statusin e tij në rritje brenda ekipit.

Xavier Asensi: Lionel Messi e ka çuar Inter Miami financiarisht në një nivel tjetër

Të mendosh për Inter Miami është të mendosh për Lionel Messin, por pas tij ka një njeri që punon në hije dhe është padyshim më i rëndësishëm se fituesi i Kupës së Botës FIFA.

Xavier Asensi është menaxheri i përgjithshëm i klubit me rritjen më të madhe ekonomike dhe mediatike në vitin 2023 dhe këtë vit ai pret të arrijë të paktën 200 milionë dollarë.

Kjo rritje eksponenciale e shifrave ekonomike është pjesërisht për shkak të marrëveshjeve me kompani të mëdha ndërkombëtare që e kanë lidhur imazhin e tyre me atë të Inter Miami dhe Messit, i cili konsiderohet gjerësisht si futbollisti më i madh i të gjitha kohërave. E fundit ka qenë me gjigantin ndërkombëtar Visa.

“Me ardhjen e Messit, ne kemi kaluar nga buxheti i pak më shumë se 60 milionë dollarë për të përfunduar faturimin rreth 125 ose 130 milionë dollarë”, tha Asensi për EFE. “Kjo është një shumë e madhe për një stadium të përkohshëm. Ne jemi shumë të kënaqur me këtë sponsorizim. Është një çështje jo vetëm sasie, por edhe cilësie. Ne po kërkojmë ata ‘partnerë’ që na çojnë në një nivel tjetër dhe padyshim janë gjithashtu Royal Caribbean dhe JP Morgan Chase.”

Si e ka ndryshuar Messi MLS?

Messi iu bashkua skuadrës së MLS të David Beckham në mesin e vitit 2023 pasi konfirmoi largimin e tij nga PSG dhe futbolli evropian, duke u bërë marrëveshja më e madhe në historinë e ligës dhe ndoshta të gjithë sporteve amerikane.

Duke e shkruar emrin e tij në Inter Miami, Messi transformoi vëmendjen në MLS dhe klubin e tij të ri brenda natës, ndërsa tifozët, markat dhe miliona njerëz filluan ta shikonin ligën me fokus intensiv për të parë se si do të performonte argjentinasi.

“Ne jemi shumë të kënaqur me mënyrën se si jemi, shumë krenarë për ekipin dhe gjithë punën që po bëhet. Ne vetëm duhet të vazhdojmë të përmirësohemi.”

Asensi shtoi “Kam kaluar 11 vjet në Barca, kam qenë shefi komercial atje. Ajo që Inter Miami mund të fitojë në një turne parasezonal është më shumë se çdo klub profesionist futbolli që ka fituar ndonjëherë.”

Ukraina zbulon zëdhënësen e Ministrisë së Jashtme të krijuar nga AI

Ukraina prezantoi të mërkurën një zëdhënëse të krijuar nga AI, të quajtur Victoria, e cila do të bëjë deklarata zyrtare në emër të ministrisë së saj të jashtme.

Ministria tha se “për herë të parë në histori” do të përdorte një zëdhënës dixhital për të lexuar deklaratat e saj, të cilat do të shkruhen ende nga njerëzit.

E veshur me një kostum të errët, zëdhënësja u prezantua si Victoria Shi, një “person dixhital”, në një prezantim të postuar në rrjetet sociale. Figura gjestikulon me duar dhe lëviz kokën teksa flet.

Shërbimi për shtyp i ministrisë së jashtme tha se deklaratat e dhëna nga Shi nuk do të gjenerohen nga AI, por “të shkruara dhe verifikuara nga njerëz të vërtetë”.

“Është vetëm pjesa vizuale që AI na ndihmon të gjenerojmë”, tha Dmytro Kuleba, ministri i jashtëm ukrainas, duke shtuar se zëdhënësi i ri ishte një “hap teknologjik që asnjë shërbim diplomatik në botë nuk e ka bërë ende”.

Arsyeja kryesore për krijimin e saj ishte “kursimi i kohës dhe burimeve” për diplomatët, tha ai. Krijuesit e Shi janë një ekip i quajtur Game Changers, të cilët kanë krijuar gjithashtu përmbajtje të realitetit virtual në lidhje me luftën në Ukrainë.

Emri i zëdhënësit bazohet në fjalën “fitore” dhe frazën ukrainase për inteligjencën artificiale: shtuchniy intelekt .

Pamja dhe zëri i Shi janë modeluar sipas një personi real: Rosalie Nombre, një këngëtare dhe ish-konkurrente në versionin ukrainas të reality show The Bachelor. Nombre lindi në qytetin e Donetsk, tani të kontrolluar nga Rusia, në Ukrainën lindore. Ajo ka 54,000 ndjekës në llogarinë e saj në Instagram, të cilën ajo e përdor për të diskutuar stereotipet për ukrainasit me raca të përziera dhe ata që u rritën si rusishtfolës.

Ministria tha se Nombre mori pjesë pa pagesë. Ai theksoi se Shi dhe Nombre “janë dy njerëz të ndryshëm” dhe se vetëm figura e AI do të japë deklarata zyrtare.

Për të shmangur falsifikimet, deklaratat do të shoqërohen me një kod QR që i lidh ato me versionet me tekst në faqen e internetit të ministrisë. Shi do të komentojë për shërbimet konsullore, aktualisht një temë e diskutueshme.

Ukraina javën e kaluar pezulloi shërbime të tilla për burrat në moshë luftarake që jetojnë jashtë vendit, duke e bërë të nevojshme që ata të kthehen në vendin e tyre për procedura administrative dhe potencialisht të përballen me draftin.

Përgatitjet për mbërritjen e sondës “Starliner” në Stacionin Ndërkombëtar të Hapësirës

Astronautët në bordin e Stacionit Ndërkombëtar Hapësinor po përgatiten për mbërritjen e ardhshme sondës së parë hapësinore me njerëz në bord të kompanisë Boeing. Anëtarët e ekuipazhit të fundit mbërritën me sondën e kompanisë SpaceX në laboratorin orbital më 5 mars. Astronautja e NASA-s, Jeanette Epps, thotë se ajo është mahnitur nga fluturimi dhe pamjet që “të lënë pa frymë” të Tokës nga hapësira.

Astronautët e NASA-s Jeanette Epps dhe Michael Barratt mbërritën në Stacionin Ndërkombëtar të Hapësirës më 5 mars, ku do të mbikëqyrin ardhjen e një sonde të re gjatë periudhës së tyre gjysmë-vjeçare.

Ata zëvendësuan një ekuipazh nga Shtetet e Bashkuara, Danimarka, Japonia dhe Rusia, të cilët ishin atje që nga gushti.

Qëndrimi gjashtëmujor i ekuipazhit përfshin përgatitjet për mbërritjen e një sonde të re të NASA-s.

Sonda e re “Starliner” e kompanisë Boeing me pilotë testues pritet të mbërrijë në Stacionin Ndërkombëtar Hapësinor javën e ardhshme.

“Do të analizojmë çdo detaj të fluturimit, ankorimin dhe çdo gjë tjetër të vogël gjatë këtij operacioni. Kjo është emocionuese sepse kemi të bëjmë me në automjet të ri”, tha astronauti i NASA-s Michael Barratt lidhur me mbërritjen e kapsulës “Starliner”.

Astronautja e NASA-s Jeanette Epps nga qyteti Sirakus i shtetit të Nju Jorkut, është gruaja e dytë me ngjyrë e caktuar në një mision të gjatë në Stacionin Ndëkombëtar Hapësinor.

Ajo tha para fluturimit se është veçanërisht krenare që do të jetë një shembull për afrikano-amerikanet, duke demonstruar se fluturimi në hapësirë “është një opsion për ato, se kjo gjë nuk është vetëm për njerëzit e racave të tjera”.

Si inxhiniere, ajo punoi për kompaninë Ford dhe CIA-n përpara se të bëhej astronaute në vitin 2009.

Ajo thotë se mbërritja në hapësirë ishte shumë emocionuese pas shumë vitesh pritjeje.

“U mahnita nga shumë gjëra që pashë në hapësirë, përfshirë Tokën dhe planetet e tjera”, thotë ajo.

Michael Barratt, një mjek në misionin e tij të tretë, është astronauti më i moshuar që ka fluturuar në hapësirë. Ai mbushi 65 vjeç më 16 prill.

“Çfarëdo faktori që mund të ketë luajtur mosha, e kam tejkaluar me sukses, sepse u përshtata më shpejt. Ky ishte fluturimi im i tretë në hapësirë”, tha ai.

Sigurisht, së shpejti NASA do të dërgojë sërish astronautë në Hënë.

Ndonëse zbarkimi i parë i njeriut në Hënë në më shumë se 50 vjet u shty për një vit, ai pritet të realizohet në vitin 2026.

Astronautët Epps dhe Barratt do të qëndrojnë në hapësirë për gjashtë muaj. Ata do të kthehen në Tokë në muajin shtator./VOA

Rama, mbledhje të jashtëzakonshme! Urdhëri për asnjë mungesë

Kryeministri Edi Rama do të zhvillojë një mbledhje të jashtëzakonshme më 7 Maj.

Kreu i qeverisë ka urdhëruar që të mos ketë asnjë mungesë në takim, qoftë deputetë apo ministra.

Kjo nënkupon se mbledhja është e rëndësisë së veçantë, por ende nuk dihet se çfarë do të komunikojë kryeministri.

Mësohet se takimi i PS do të transmetohet live dhe se në fokus mund të jenë çështje të aktualitetit apo korrupsioni për shkak të “goditjeve” nga SPAK të zyrtarëve socialistë.