Sipas policisë, i mituri u plagos aksidentalisht gjatë një konflikti që dy xhaxhallarët e tij kishin me njëri-tjetrin.

Nazmi dhe Florant Pëllumbi, binjakë me njëri-tjetrin, debatuan në oborrin e banesës.

Gjatë konfliktit, Nazmi Pëllumbi qëlloi me armë vëllanë e tij, Florantin.

Nga të shtënat, mbeti i plagosur nipi i tyre, 15-vjeçari.

Policia vuri në pranga Florant Pëllumbin sepse gjatë kontrollit në shtëpi, iu gjet një sasi kokaine.

Ndërsa vëllai i tij binjak, Nazmi Pëllumbi është shpallur në kërkim.

I mituri ndërkohë vijon të jetë në spital, jashtë rrezikut për jetën.