Një 72-vjeçar, i gjetur i pajetë në një përrua në afërsi të fshatit Zhapokië 2, rezulton i vrarë.

Sipas burimeve nga grupi hetimor, Faik Ajdini është goditur për vdekje në qafë dhe kokë.

Ai dyshohet se është qëlluar ose me sëpatë, ose me thikë.

Goditjet të moshuarit i kanë shkaktuar hemorragji, duke mbetur i vdekur në vend.

Më pas, autori, ende i paidentifikuar, e ka hedhur në humnerë.

Trupi i të ndjerit Faik Ajdini ende nuk është lëvizur derisa të mbarojnë ekzaminimet.

Alarmin për humbjen e gjurmëve të të moshuarit e kanë dhënë familjarët e tij, të cilët kishin më shumë se 48 orë pa asnjë kontakt me të.

Ndërkaq, Policia e Gjirokastrës ka ngritur 2 postblloqe në aksin nacional Memaliaj-Krahës dhe në akset lokale Memaliaj-Sektori i Tretë dhe Krahës-Rabijë.