Kësolla u arrestua 24 orë pas vrasjes së Tonajt, i cili u ekzekutua më 13 shkurt me breshëri kallashnikovi në fshatin Grudë e Re. Ngjarja dyshohet të ketë ndodhur për gjakmarrje, ndërsa Eduart Kësolla është i biri i Pal Kësollës, i cili është vrarë në vitin 1996 nga një nga anëtarët e familjes Tonaj. Pas arrestimit, Kësolla mohoi të ishte ai autori i ngjarjes, duke deklaruar se nuk kishte qenë në vendngjarje në momentin kur ndodhi ngjarja, por nga ana tjetër hetuesit gjetën shenja baruti në duart e tij.