Ngjarja ndodhi te zona e Valutës,ndërkohë disa dëshmitarë treguan atë se çfarë panë. Ata pohuan se gjithçka ndodhi shumë shpejt mu njëri prej tyre goditi me thikë ndërsa tjetri u përgjigj me armë.

“Nuk ishin problematik, ishin të qetë dhe nuk kanë pasur konflikte me persona të tjerë. Nuk e mendonim kurrë se mund të ndodhte ajo ngjarje. Nuk mundëm të ndërhynim, pasi gjithçka ndodhi shpejt. Ata kanë pasur një konflikt para 3 ditësh”, tha një banor i kësaj lagjeje.

Gjithçka ndodhi për një sherr banal që zanafillën e kishte pasur 3 ditë para ngjarjes, ndërsa Edmond Gosa plagosi në rrugë me thikë Altin Rexhën dhe ky i fundit është përgjigjur duke qëlluar me armë. Ndërkohë, të dy viktimat kanë humbur jetën në spital.