“Drejtësi për gratë e vrara” është thirrja e protestueseve, teksa pretendojnë se krimi i djeshëm mund të ishte shmangur dhe shtrojnë një sërë pyetjesh pse Dan Hutra ishte i lirë, pas krimeve që kishte kryer.

“Nuk është krim pasioni, është femicid,”- shkruhet në njërën prej parrullave.

“Duhet mobilizim i të gjitha ministrive të shtetit për një platformë kombëtare ndaj femincidit. Sot duhet të reagojmë sa më shpejt para se tu vijë radha, fëmijëve, shoqeve, motrave tona. Hajde të dalim në rrugë edhe për 8 mars. Nuk i ha më gjepurat tuaja. Këtu do të marshojmë edhe për 8 mars për një jetë të drejtë dhe pa dhunë, i duam të gjitha gratë e gjalla. Nuk duam ti vajtojmë më gratë e kësaj republike,”- u shpreh një nga protestueset.

“Si mund të lirosh dikë që ka vrarë. Hajde ta bëjmë këtë vend, pasi ka shkuar për dreq”-thotë një prej aktivisteve.

“Lulet e Shën Valentinit, 8 Marsit po na i kthejnë në lule mortesh. O gra, po na vrasin. Mjeti i vetëm duket se është vetëmbrojtja. Në vend të telefonave, hajde të qarkullojmë me thika në brez,”- deklaron një tjetër./ Zoom.al