Prokuroria ka dhënë pretencën për Dobin dhe të birin. Prokurorja Mirela Zavalani, teksa prezantoi konkluzionet me 29 faqe, kërkoi që Rozeta Dobi të shpallet fajtore dhe të dënohet me 6 vite burg dhe se të aplikohej gjykimi shkurtuar.

Ndërkohë për djalin e saj, Prokuroria kërkoi 4 vite burg dhe aplikim të uljes së dënimit me 1/3 dhe në bazë të nenit 59 të dënohet me 3 vite shërbim prove. Mëvetësisht pritet edhe pretenca e ish-zyrtares.

Në datën 15 tetor 2022, nga banesa e Alda Klosit janë vjedhur 462 mijë euro. Rozeta Dobi dyshohet për vjedhje me pasoja të rënda dhe vjedhje më shumë se një herë, ndërsa djali i saj, e njëjta akuzë dhe për të birin, Havier Dobi.

Përsa i përket akuzës për pastrim të parave, Gjykata e ka kthyer dosjen duke i lënë prokurorisë se Tiranës 3 muaj afat që të provojë akuzën. Po ashtu, prokurorja theksoi se dy makinat që përdorte i riu, janë blerë me paratë e vjedhura, me vlerën rreth 300 mijë lekë të reja dhe 15 mijë dollarë.

Prokuroria kërkoi që dy automjetet që janë blerë nga Havier Dobi me paratë e vjedhura, të kalojnë në favor të shtetit dhe të hiqej sekuestro për llogaritë bankare të pastrueses Dobi. Po ashtu u kërkuar që bizhuteritë e vjedhura t’u kthehen personave që iu janë vjedhur.

Pastruesja Rozeta Dobi akuzohet se vodhi një shumë të madhe eurosh në banesën e Alda Klosit, ish-zyrtares së lartë të Ministrisë së Financave dhe Ekonomisë, bashkëpunëtore dikur e ish-zëvendëskryeministrit Arben Ahmetaj.

Mësohet se Alda Klosi nuk është paraqitur sot në seancë, ndërkohë që sot do të jepet pretenca nga Prokuroria.

Vjedhja dyshohet se ishte e inskenuar, teksa pastruesja dëshmoi se Klosi i dha paratë për t’i fshehur te banesa e saj. Prokuroria po heton se nga i gjeti këto para ish-zyrtarja, të cilës iu bë edhe sekuestrim pasurie. /ZOOM.AL/