Të paktën kështu njoftohet nga Agjencia për Regjistrar e Bizneseve të Serbisë.

Sipas njoftimit, Radojçiçi ka transferuar 40 për qind të aksioneve të tij që kishte në pronësi te kompania “Inkop”, përkatësisht te partnerët e tij të biznesit, vëllezërit Zvonko dhe Zharko Vesellinoviç.

Sipas “Radio Evropa e Lirë”, Radoiçiç gëzonte edhe pesë kompani, ambiente biznesi, një hotel në Kopaonik, një vilë në një pjesë elitare të Beogradit dhe miliona euro.

Kompanitë e Radoiçiç, shton REL, fituan mbi 24.5 milionë euro vetëm në vitin 2022, ndërsa kanë lidhur kontrata të vlefshme me shtetin me qytetet në Serbi dhe ndërmarrje të ndryshme publike.

Milan Radoiçiç mori përsipër përgjegjësinë për sulmin e armatosur në Banjskë, ku humbi jetën polici i Kosovës, Afrim Bunjaku. Pasi pranoi autorësinë, ai u dorëhoq nga pozicioni i nënkryetarit të Listës Serbe.