Në dark ka mbërritur i pari Presidenti Ilir Meta, i cili ka qenë në cilësimin e ministrit të Jashtëm në harkun kohor 29 korrik, 2002 – 18 korrik, 2003. Gjithashtu në takim nuk kanë munguar Lulzim Basha, Ditmir Bushati, Tritan Shehu, Kastriot Islami, Olta Xhaçka.

As part of our celebration of the #100Year anniversary of 🇺🇸-🇦🇱 diplomatic relations, @USAmbAlbania Yuri Kim had the honor of inviting all of Albania’s Foreign Ministers since 1991 for a special dinner at the Ryerson House: https://t.co/DTdaZ6HVRl
Gëzuar, edhe njëqind! 🥂 pic.twitter.com/hWVkZHuho7

— USEmbassyTirana (@USEmbassyTirana) June 9, 2022

Sjellim në vëmendje se një vit më parë, kreu i shtetit adresoi akuza të forta ndaj SHBA-ve, ku veç të tjerash solli edhe një skenar ekzekutimi pranë “Malit me Gropa”.

Njoftimi i plotë i ambasadës për sa i përket eventit

Si pjesë e festimeve tona për 100 vjetorin e marrëdhënieve diplomatike midis Shteteve të Bashkuara dhe Shqipërisë, Ambasadorja Yuri Kim pati nderin të ftojë të gjithë Ministrat e Jashtëm të Shqipërisë që prej vitit 1991, për një darkë të veçantë në Shtëpinë Ryerson. Ambasadorja Kim shprehu vlerësimin e thellë të Shteteve të Bashkuara për kontributet e dhëna nga secili prej Ministrave në zhvillimet dhe arritjet historike të Shqipërisë, përfshirë përparimin e tranzicionit nga komunizmi në demokraci, rrugëtimin e Shqipërisë në NATO dhe drejt anëtarësimit në Bashkimin Europian, kryesimin e OSBE-së dhe sigurimin e një vendi në Këshillin e Sigurimit të Kombeve të Bashkuara. Mbi të gjitha, ajo falënderoi Ministrat për rolin e tyre në forcimin e marrëdhënieve midis Shteteve të Bashkuara dhe Shqipërisë, duke kujtuar se të gjithë ata – diplomatë amerikanë dhe shqiptarë – kanë fatin që të mund të ndërtojnë mbi punën e paraardhësve dhe detyrimin për të hedhur bazat për pasardhësit e tyre. Përgëzime për miqësinë midis Shteteve të Bashkuara dhe Shqipërisë! Gëzuar, edhe njëqind! Grupi ngriti gjithashtu edhe një dolli për të nderuar ata të cilët nuk mundën t’i bashkoheshin mbrëmjes, Muhamet Kapllani, Alfred Serreqi, Besnik Mustafaj dhe Gent Cakaj.