Presidenti turk i ofroi djalit të manjatit të teknologjisë një top dhe më pas e ka pyetur Musk se ku ndodhet gruaja e tij.

Musk, i cili ka 10 fëmijë nga 3 partnere të ndryshme u përgjigj i sikletosur se nëna e djalit jetonte në San Francisko dhe se ishte i divorcuar nga ajo.

Gjatë takimit të tyre dje në ndërtesën që strehon misionin e përhershëm të Turqisë në OKB dhe konsullatën turke në Nju Jork, Erdogan i kërkoi shefit ekzekutiv të Tesla-s të ndërtojë fabrikën e shtatë të prodhuesit të tij të makinave në shtetin turk.

Presidenti turk informoi themeluesin e Tesla dhe SpaceX për arritjet teknologjike të Turqisë, vizionin e tij për dixhitalizimin e sektorit publik turk dhe strategjinë kombëtare për Inteligjencën Artificiale, raporton gazeta greke “Protothema”.

Erdogan la të kuptohet gjithashtu se mundësitë për të punuar me SpaceX mund të lindin në programin hapësinor të Turqisë dhe e ftoi Musk në festivalin e hapësirës ajrore dhe teknologjisë Teknofest që do të mbahet më vonë këtë muaj në Izmir.

https://https://www.instagram.com/reel/CxVHeWRt17Q/?igshid=MWZjMTM2ODFkZg==