Pasi Gjykata e Apelit të Posaçëm la në fuqi masën e sigurisë “Arrest në burg” për të, Dako i është drejtuar Gjykatës së Lartë për të bërë rekurs.

Ish-kryebashkiaku kërkon që të rrëzohet masa e arrestit për të dhe të rifitojë lirinë.

Rekursi është regjistruar dhe shorti ka caktuar si gjyqtar relator Ilir Pandën dhe pritet nga ky i fundit caktimi i datës për shqyrtimin e kërkesës.

Vangjush Dako u arrestua më 6 qershor me urdhër të Prokurorisë së Posaçme Antikorrupsion si i akuzuar për shpërdorim detyre.

Sipas hetimeve, Dako ka dhënë një leje ndërtimi në 2011 për një pallat në Durrës, që u dëmtua nga tërmeti i 2019, por objekti ishte legalizuar në shkelje të ligjit.

Po ashtu, Dako akuzohet se me tenderin e shëtitores i ka shkaktuar buxhetit të shtetit dëm 18 milionë lekë.