42-vjeçari u përjashtua nga organi i arbitrave, Professional Game Match Officials Limited (PGMOL), pasi u shfaq në një sërë videosh të publikuara në internet. Në njërën, Coote ofendoi ish-trajnerin e Liverpool-it, Jürgen Klopp. Në një tjetër shfaqej duke thithur kokainë.

Në intervistën e tij të parë që nga skandali, ai u shpreh: “Kam pasur probleme rreth vetëbesimit tim dhe kjo lidhet me seksualitetin tim. Unë jam homoseksual dhe kam luftuar të ndihem krenar për atë që unë jam.”

“Ndjeva një ndjenjë të thellë turpi veçanërisht gjatë viteve të adoleshencës. Unë nuk i kam treguar prindërve të mi deri në moshën 21-vjeçare. Nuk kam dalë hapur me miqtë e mi deri në moshën 25-vjeçare. Seksualiteti im nuk është arsyeja e vetme që më ka shtyrë në atë pikë”, deklaroi ai.

Arbitri theksoi se ka fshehur seksualitetin e tij, “një cilësi e mirë si arbitër, por një cilësi e tmerrshme si qenie njerëzore”. Dhe kjo më çoi në një drejtim të tërë sjelljesh, deklaroi arbitri.