Ish-futbollisti, i cili ishte diagnostikuar me kancer të zorrës së trashë në vitin 2022, është në gjendje të qëndrueshme, tha familja e tij në një deklaratë.

Sulmuesi legjendar i Italisë, Salvatore Schillaci, i njohur si Totò, është shtruar në një spital në Palermo.

Familja e tij ka lëshuar një deklaratë të shkurtër mbrëmjen e së dielës përmes profilit të tij zyrtar në Instagram, duke sqaruar se 59-vjeçari ndodhet në gjendje stabile.

“Duke pasur parasysh telefonatat e panumërta nga mediat dhe thashethemet që qarkullojnë, ne sqarojmë se Toto është në gjendje stabile dhe kontrollohet vazhdimisht nga një ekip ekspertësh mjekësh natë e ditë,” u shkrua në deklaratë.

Schillaci u diagnostikua me kancer të zorrës së trashë në janar 2022 dhe i ishte nënshtruar dy herë operacionit.

Ai zbuloi se kishte pasur kancer më 16 janar 2023. Atë ditë, ai ishte në Clinica La Maddalena në Palermo, një klinikë e specializuar në trajtimin onkologjik, ku policia arrestoi bosin mafioz Matteo Messina Denaro, i cili kishte qenë në arrati për 30 vjet.