Mbreti Felipe dhe mbretëresha Letizia, të shoqëruar nga kryeministri Pedro Sanchez dhe ministri i Brendshëm Grande Marlaska, vizituan disa nga mijëra personat e zhvendosur, të strehuar në kazermat e lokalitetit El Fuerte.

Rreth 6 mijë nga 80 mijë banorët e ishullit janë evakuuar që prej së dielës, disa prej të cilëve u lejuan të ktheheshin për një kohë të shkurtër për të rikuperuar sendet personale.

Për të pestën ditë rresht, lava e vullkanit rrodhi në tatëpjetat e malit dhe përfshiu mbi 200 shtëpi, shkolla dhe plantacione frutash, edhe pse më ngadalë se në ditët e mëparshme.

Gjithashtu, re tymi u ngritën në qiell, ndërsa hiri toksik mbuloi zonën përreth vullkanit, që lëshoi llavë të shkrirë dhe gurë në ajër teksa çliroi renë e rëndë të tymit.

Ekspertët kanë deklaruar se gazrat e çliruara nga shpërthimi nuk janë të dëmshme për shëndetin, por u kanë bërë thirrje qytetarëve që të pastrojnë me kujdes ushqimin dhe rrobat, në mënyrë që të shmangin gëlltitjen e hirit.

Për shkak të erërave të forta, reja e tymit pritet të përhapet së shpejti në pjesën tjetër të arqipelagut të ishujve Kanarie, si dhe në gadishullin Iberik.

Familja mbretërore  e Spanjës