Presidenti amerikan, Donald Trump kërcënoi të enjten se do të vendosë një tarifë prej 200 për qind për të gjitha, “verërat, shampanjën dhe produktet alkoolike” nga Franca dhe vendet e tjera të BE-së.

‘Bashkimi Evropian, një nga autoritetet më armiqësore dhe abuzive të taksave dhe tarifave në botë, i cili u krijua me qëllimin e vetëm për të përfituar nga Shtetet e Bashkuara, sapo ka vendosur një tarifë të keqe prej 50% për Whisky. Nëse kjo tarifë nuk hiqet menjëherë, SHBA-ja së shpejti do të vendosë një tarifë 200% për të gjitha VERËAT, SAMPAJNË DHE PRODUKTET ALKOKOLIKE QË VIJNË NGA FRANCA DHE VENDET E TJERA TË PËRFAQËSUARA TË BE-së. Kjo do të jetë e mrekullueshme për bizneset e verës dhe shampanjës në SHBA’, shkruan Trump.

Kërcënimi vjen pasi Shtëpia e Bardhë vendosi tarifa globale për çelikun dhe aluminin, me BE-në që po përgatit tarifat hakmarrëse të veta. Këto do të vendosen në dy faza në prill, njoftoi Komisioni Evropian të mërkurën në mëngjes.

Në postimin e tij në Truth Social, Trump pretendoi se BE-ja “vendos një tarifë të keqe prej 50 për qind për uiskit”, edhe pse tarifa e burbonit të BE-së do të fillojë vetëm nga 1 prilli./ Politico.