Në spitalin “Al Shifa”, sipas mediave ndërkombëtare, mungon energjia, ndërsa Izraeli dhe Hamasi akuzojnë njëri-tjetrin se nuk lejon karburantin të mbërrijë deri atje.

Në këto kushte, inkubatorët e spitalit janë fikur, duke lënë në mëshirë të fatit disa foshnja.

Pamjet e shpërndara nga agjencia e lajmeve “Reuters” janë rrëqethëse.

Zyrtarët palestinezë pretendojnë se tre foshnja kanë vdekur.

“Mjekët pa Kufij’ thonë se nuk kanë arritur të kontaktojnë me stafin e në spitalin “Al-Shifa” që nga mbrëmë për shkak të luftimeve rreth spitalit.

Përmes një postimi në X, grupi i ndihmës shton se kolegët në Gaza kanë raportuar se përplasjet armiqësore rreth Al-Shifa nuk kanë të ndalur.