Një ndeshje e pabesueshme ku durrsakët arritën të fitonin në transfertë me rezultatin 3-2 mes rrebeshit të shiut, pasi e panë veten në disavantazh të dy golave.

Të parët që kaluan në avantazh ishin blutë me Kaçorrin në pjesën e parë. Edhe në gjysmën e dytë Dinamo luan më mirë dhe në minutën e 54′ Denison shënoi golin e dytë.

Por në të 72′ Peposhi shkurtoi diferencën dhe Fili vendosi baraspeshën nga pika e bardhë e penalltisë.

Heroi i duelit padyshim ishte mbrojtësi Jazxhi, i cili shënoi golin e fitores në minutën e fundit shtesë.

Ky rezultat vë në dyshim edhe vazhdimësinë e Di Biago sepse është diskutuar që më parë shkarkimi i tij.

Në ndeshjen tjetër të së dielës, Kukësi mundi me rezultatin e ngushtë 1-0 Laçin në “Kukës Arena”. /zoom.al/