Probleme lundrimi dhe det me dallgë të fuqishme në vijën bregdetare, kryesisht edhe në aksin Durrës-Tiranë.

Kryeqyteti provoi diku rreth orës 12:45 stuhinë e paparë ndonjëherë me rrëketë e shiut që binin me aq forcë, sa nuk mund të shikoje dot. Në të paktën 15 minuta shi të stuhishëm, Tirana u kthye në një liqen, me rrugë të përmbytura, kaos dhe disa dëme materiale. Teksa u qetësua për dhjetë minuta, stuhia si uragan u rikthye diku rreth orës 13:20 me rrebesh më të fuqishëm, as sa shkuli pemë dhe përmbysi gjithçka me forcën dhe shpejtësinë e saj dhe zgjati për 15 minuta të tjera. Uji mbuloi pothuajse të gjitha rrugët e kryeqytetit dhe në disa momente shiu ishte i përzier me breshër.

Raportohet se rruga dytësore është permbytur në disa pika. Ndërsa është bllokuar qarkullimi në korsinë Tiranë-Durrës. Gjithashtu probleme raportohet se ka pasur edhe në rrugën e Rinasit.

Për momentin nuk raportohen dëme në njerëz dhe zhvillimet janë ende në vijim. /ZOOMAL/