Autorët shqyrtuan 24 studime të ndara dhe i përfshinë në tre grupe: Studimet e Indeksit të Rreptësive të Mbylljes, Studimet e Rendit në Vend për strehim dhe Studimet specifike të ndërhyrjes jo farmaceutike.

Një analizë e secilit grup zbuloi “që bllokimet kanë pasur pak ose aspak efekt në vdekshmërinë nga COVID-19”.

Numrat sugjerojnë se bllokimet në Europë dhe Shtetet e Bashkuara ulën shkallën e vdekshmërisë nga COVID-19 me vetëm një mesatare prej 0.2%.

Studiuesit zbuluan se urdhrat e bllokimit shkaktuan kosto të mëdha ekonomike dhe sociale kudo që ato zbatoheshin. Autorët arritën në përfundimin se politikat e bllokimit janë “të pabazuara” dhe sugjeruan që ato të refuzohen në pandemitë e ardhshme”.

Studimi u krye nga Jonas Herby, Lars Jonung dhe Steve H. Hanke.

“Dy probleme lindin në lidhje me vlerësimin e efektit të bllokimeve”.

Së pari, kur COVID-19 goditi Europën dhe Shtetet e Bashkuara, ishte praktikisht e pamundur të përcaktohej koha e duhur se kur duhej të vendosej lockdawn. Organizata Botërore e Shëndetësisë e shpalli shpërthimin një pandemi më 11 mars 2020, por në atë datë, Italia kishte regjistruar tashmë 13.7 vdekje për 1 milion banorë,  nga COVID-19 .

Më 29 mars 2020, 18 ditë pasi OBSH e shpalli shpërthimin e pandemisë dhe reagimi më i hershëm i bllokimit ndaj njoftimit të OBSH-së mund të kishte potencialisht një efekt, shkalla e vdekshmërisë në Itali ishte 178 vdekje nga COVID-19 për një milion, me 13 të tjerë të vdekur  për milion banorë. Por ndërkohë, të gjitha vendet europiane dhe shtetet e SHBA-së që ishin të informuara edhe pse  vendosën shpejt lockdawn përjetuan nivele të larta vdekshmërie,  ndësra vendet që vonuan të vendosin bllokimet përjetuan norma të ulëta të vdekshmërisë.

Një interpretim i këtij rezultati është se bllokimet nuk funksionojnë nëse njerëzit ose i konsiderojnë të panevojshme dhe nuk arrijnë t’i binden qeverive ose nëse njerëzit mbyllen vullnetarisht”, thuhet në raportin e universitetit “Johns Hopkins”

Më tej, thuhet se masat kanë rezultuar efektive në kontrollin e përhapjes së  virusit shumë ngjitës.

Megjithatë, vlerësimet e tyre tregojnë se izolimi mesatar në Europë dhe SHBA uli vdekshmërinë nga COVID-19 vetëm me 2.4%.

Studime të tjera zbulojnë një lidhje të rëndësishme negative midis bllokimeve dhe vdekshmërisë. Sipas këtyre studimeve, rezultoi se urdhri për vendosjen e maskave të punonjësve reduktoi vdekshmërinë me 34% dhe mbyllja e bizneseve dhe lokaleve zvogëloi vdekshmërinë me 29%.

Disa studime  gjetnë se politikat e qeverive u orientuan fuqimisht nga politikat e iniciuara në vendet fqinje dhe jo nga ashpërsia e pandemisë në vendet e tyre.

Me pak fjalë, nuk është ashpërsia e pandemisë ajo që nxit miratimin e bllokimeve, por më tepër prirja për të kopjuar politikat e iniciuara nga vendet fqinje./Gazeta “SI”