Si fillim ishte njohja e kërkesës së PD-së për të legjitimuar grupin parlamentar pa emrin e Berishës.

Më pas loja e zhvilluar në parlament për të zgjatur seancën, ku PD-ja me pretekstin e mungesës së kryeministrit ndërpreu dy herë seancën maratonë. Ishte vetë Basha i cili tha se do të mbante fjalën e tij në orën 16:00 por bëri çmos për ta shtyrë deri në orën 18:00.

Ky orar përkon me atë të njoftuar dje nga Sali Berisha, si orar i startit të turit të tij në gjithë vendin.

Në anën tjetër Rama lajmëroi se do të kthehej në parlament në orën 17:00 por u kthye pikërisht ne orën 18:00.

Pjesë e “lojës” së Bashës dhe Ramës për të lënë në hije startin e turit të Berishës u bë dhe ambasadorja e SHBA-ve, Yuri Kim, e cila pak para orës 18:00 doli në një intervistë për Zërin e Amerikës.

Por duket se përpjekjet nuk bënë shumë punë pasi turi i Berishës po transmetohet thuajse nga të gjithë televizionet informative si News24, Abc, Ora news, madje dhe nga televizioni pro qeveritar Report Tv.

View this post on Instagram

A post shared by Zoom.al (@zoom.al)