zoom

Aktualitet

Situata nga moti i keq në rajonin verior, rënie gurësh në disa rrugë

Reshjet me intensitet kanë përshkruar të gjithë vendin përgjatë gjithë natës. Në rajonin verior reshjet kanë qenë me intensitet më të lartë duke sjellë rënie gurësh e inertesh në trup të rrugës si, në: Tamarë-Vermosh, Hani Hotit-Tamarë, në Valbonë nga km 3 deri në km 10.

Në aksin Bogë-Theth ka pasur probleme me prurjet e përrenjve në trup të rrugës tashmë janë pastruar dhe aksi është i kalueshëm pa probleme.

Autoriteti Rrugor bën të ditur se kontraktorët e mirëmbajtjes me mjete e punëtorë janë në terren pa ndërprerje për të mbajtur gjendjen e akseve në normalitet./