Ai është nisur menjëherë drejt Brazilit për të qenë pranë familjes në këtë moment të vështirë.

Federata Shqiptare e Futbollit i ka përcjellë ngushëllimet më të sinqerta familjes së trajnerit Silvinjo-sdhe të afërmve, ku presidenti i FSHF-së, Armand Duka, në një mesazh të publikuar në rrjetet sociale ka shprehur hidhërimin për këtë humbje:

“Me hidhërim të thellë mësova lajmin e ndarjes nga jeta të nënës së trajnerit të Kombëtares sonë, Silvinjo. Në emrin tim, në emër të Federatës Shqiptare të Futbollit dhe të çdo anëtari të komunitetit të futbollit i përcjell trajnerit Silvinjo ngushëllimet më të sinqerta për këtë humbje të madhe. Në këtë moment të vështirë i gjendemi pranë Silvinjos dhe familjes së tij, që humbën një njeri shumë të dashur për ta. U prehtë në paqe,”- shkruan Presidenti Duka./ Zoom.al