Dy të përditshmet pranë klubit blaugrana, Mundo Deportivo dhe Sport kanë përzgjedhur në faqen e parë fjalët e thëna nga presidenti Laporta: “Ajo që ndodhi në Bernabeu ishte një turp”, shkruajnë dy mediat spanjolle.

Në fakt, presidenti Laporta ishte edhe më i ashpër në deklaratën e tij duke bërë përgjegjës arbritrat e VAR:

“Mendoj se grupi arbitrar duhet t’i përgjigjet një sërë presioneve që janë verifikuar gjatë sezonit, nëse nuk përgjigjen do të na linin shumë të zhgënjyer. Mund të kishim rikuperuar pikë në raport me Real Madrid, por kjo nuk ishte e mundur për shkak të vendimeve që morën arbritrat e VAR”, shtoi ndër të tjera numri 1 i klubit blaugrana.

Në të njëjtën linjë ishte edhe trajneri Xavi: “Nëse flas do të më skualifikojnë, por të gjithë e panë, e pa e gjithë bota”, u shpreh shkurtimisht Xavi i pyet për atë që ndodhi në sfidën Real Madrid-Almeria. /ZOOM.AL/