Siç raporton Zoom.al, janë gati 58 tonë mbetje që dy kompani të ndryshme italiane po përpiqeshin të importonin, duke përdorur portin e Ankonës si portë për të hyrë në Itali. Por ato u kapën sipas një plani hetimor të autoriteteve italiane që synon parandalimin dhe goditjen e trafikut të paligjshëm të mbetjeve.

Sekuestrimi u krye pas kontrolleve gjatë të cilave dolën mospërputhje në dokumentet e analizuara, mes asaj që u transportua dhe asaj që ishte deklaruar. Hetimet dhe analizat e mëvonshme të kryera nga ekspertë të Agjencisë Rajonale për Mbrojtjen e Mjedisit bënë që produktet e transportuara të klasifikoheshin si mbetje ekotoksike. Mbetjet, të deklaruara zyrtarisht si “skrematurë alumini”, në realitet karakterizoheshin nga një përqendrim i konsiderueshëm i zinkut, plumbit dhe bakrit me toksicitet të lartë për mjedisin ujor dhe shkaktonin ndotje kronike.

Operacioni, i kryer në vazhdën e një aktiviteti të përhapur që në të kaluarën ka çuar tashmë në sekuestrimin e rreth 16 tonë mbetje urbane, përfundoi me sekuestrimin e mbetjeve speciale të sipërpërmendura dhe me ankesën e përfaqësuesve ligjorë të kompanive importuese me qendër në Lombardi, për krimet e “trafikimit të paligjshëm privat të “kontrollit të paligjshëm të mbetjeve në mënyrë private”.

Ky është rasti i dytë i kapjes së mbetjeve toksike nga Shqipëria drejt vendeve të tjera. Vitin e kaluar u kapën 816 ton mbetje toksike në mbi 100 kontenierë, që do të shkonin në Tajlandë. Mbetjet u kthyen mbrapsht në portin e Durrësit dhe ende nuk dihet fati i tyre. /Zoom.al