Gjendja e organeve të përfshira në aktin seksual, nivelet e duhura të hormoneve dhe aftësia për t’u eksituar seksualisht nuk garantojnë në vetvete seks të mirë.
Faktorë të tjerë të ndryshëm mund të krijojnë mjaft probleme.
Ja kush janë:
Problemet në marrëdhënie
Tensioni dhe distanca emocionale mund të dëmtojnë jetën seksuale të një çifti. Konfliktet që nuk lidhen me seksin, të tilla si financat ose çështjet që përfshijnë fëmijë, mund të jenë shkaktojnë probleme.
Ankthi për performancën seksuale
Një person mund të shqetësohet aq shumë për performancën e tij seksuale saqë kryerja e marrëdhënieve seksuale nuk është më e këndshme apo edhe e mundur për të.
Ankthi i performancës është më i zakonshëm si për meshkujt ashtu edhe për femrat teksa i afrohen moshës 50 vjeçare.
Imazhi i trupit dhe vetëvlerësimi
Ka shumë gjëra që mund ta bëjnë një person të ndihet më pak tërheqës, veçanërisht kur plaket, kur pesha fillon të luajë një rol të madh në imazhin e trupit. Lindja e fëmijëve, shtimi në peshë apo rrallimi i flokëve janë gjithashtu gjëra që mund ta bëjnë një person të ndihet më pak i dëshirueshëm.
Këto ndjenja zvogëlojnë ndjenjën e intimitetit ose dëshirës që krijon dashuria dhe ka të ngjarë të pengojnë një person të inicojë ose t’i përgjigjet provokimit seksual.
Pritjet dhe përvojat e kaluara
Seksualiteti është një shtysë e natyrshme që na shoqëron që nga lindja. Megjithatë, ata që formësojnë perceptimet tona rreth seksit janë familja jonë, kultura e vendit ku jetojmë, kultura fetare, dhe bashkëmoshatarët që na rrethojnë. Për disa njerëz, kjo gjendje krijon një imazh të shëndetshëm të seksit, ndërsa për të tjerët ndërlikon marrëdhëniet seksuale.
Stresi dhe ndryshimet e stilit të jetesës
Stresi dhe lodhja mund të zvogëlojnë drejtpërdrejt dëshirën tonë seksuale. Stresi ka të ngjarë të vijë nga çdo drejtim, siç janë fëmijët, problemet financiare, prindërit e moshuar, problemet shëndetësore, problemet e karrierës.
Bëhuni pjesë e Zoom.al 👇👇
Related Posts
None found
