Në takimin e përvitshëm me gazetarët sot, drejtuesi i Policisë së Shtetit, Muhamet Rrumbullaku, teksa foli për punën e policisë në 2023, u ndalua edhe te vetëpastrimi i policisë, duke theksuar se gjatë plotësimit të formularëve, asnjë nga punonjësit e Policisë nuk ka pranuar që ka patur Sky ECC apo Encro.

Por çështja qëndron nëse këta efektivë dhe në veçanti gradat Komisar dhe sipër, që kanë poste me rëndësi në drejtorinë qendrore apo qarqe, kanë treguar të vërtetën dhe se si do zbulohet që nuk kanë gënjyer në formular.

Këtë aktualisht e ka SPAK në dorë, që po zbërthen të gjitha përgjimet e kapura nga Holanda dhe Belgjika 5 vitet e fundit. /ZOOM.AL/