EMA tha se përfitimet e lecanemab nuk kundërbalancojnë rrezikun e efekteve anësore serioze, veçanërisht gjakderdhjes dhe ënjtjes në tru.

Rregullatori i barnave në Mbretërinë e Bashkuar, MHRA, ende po shqyrton nëse do të japë një licencë dhe pritet një vendim së shpejti. Ilaçi u miratua në Shtetet e Bashkuara në fillim të këtij viti.

Në prova, lecanemab u tregua se ngadalësonte rënien njohëse me rreth një të katërtën në pacientët në fazat e hershme të Alzheimerit.

Studiuesit e Alzheimerit i përshëndetën rezultatet e provës si “historike”, sepse asnjë ilaç i mëparshëm nuk kishte treguar bindshëm se mekanizmi themelor i sëmundjes mund të ngadalësohej.

Lecanemab funksionon duke pastruar një proteinë të quajtur amiloide, e cila grumbullohet në trurin e pacientëve me Alzheimer.

Edhe nëse ilaçi do të miratohej në Mbretërinë e Bashkuar, atëherë do t’i takonte organeve shëndetësore – siç është Instituti Kombëtar për Ekselencën e Shëndetit dhe Kujdesit (NICE) dhe Konsorciumi Skocez i Medicinave (SMC) – të vendosin nëse ilaçi duhet t’u rekomandohet pacientëve.

Lecanemab kushton rreth 20,000 paund për pacient në vit në SHBA.