Brenda këtij muaji, pritet që rreth 7.700 punonjës në administratë, që shërbejnë në pozicione të tilla si shoferë, sanitarë, arkivistë, punonjës protokolli apo ata që japin shërbime mbështetëse në dikastere, të përfitojnë bonus.

Shpërblimi për ta do të jetë në masën 15 mijë lekë.

Po ashtu, bonus pritet të përfitojnë edhe 8 mijë efektivë policie.

Brenda javës në mbledhjen e Këshillit të Ministrave, pritet të miratohet vlera që policët do të marrin.

Burime bëjnë me dije se po diskutohet që policët të shpërblehen me vlerë nga 10 mijë deri në 15 mijë lekë. Në këtë shpërblim nuk përfshihen postet drejtuese të policisë.