Ndryshimet në kod janë për pagesën e zarfit, që do ta bëjë KQZ dhe jo votuesi, si dhe për afatet e dorëzimit të listave që t’i japë më shumë kohë KQZ për të bërë gati fletën e votimit.

“Fletët e votimit të plotësuara dhe të sekretuara dërgohen në adresën zyrtare të KQZ-së nëpërmjet shërbimit postar. Shpenzimet për dërgimin e fletës së votimi dhe çdo materiali tjetër zgjedhor dhe informativ nga Komisioni Qendror i Zgjedhjeve tek votuesit nga jashtë, paguhen nga KQZ”, thuhet në njoftimin e Kuvendit.

Po ashtu në njoftimin e Kuvendit thuhet se fletët e votimit të dërguara nga zgjedhësit jashtë territorit të Republikës së Shqipërisë dhe të administruara nga KQZ numërohen dhe vlerësohen në vendin e numërimit të votave nga jashtë të caktuar nga KQZ.