Përmbytjet që filluan natën e 29 tetorit kanë lënë 220 të vdekur dhe gati 80 persona që janë ende të zhdukur.

Banorët protestuan për mënyrën se si u trajtua situata, nën udhëheqjen e shefit të rajonit të Valencias, Carlos Mazón.

Administrata e këtij të fundit dështoi të lëshonte alarme paralajmëruese për qytetarët të cilët u gjendën të papërgatitur përballë katastrofës.

Qeveria e Valencias është kritikuar për mospërgatitjen e duhur pavarësisht se Agjencia Shtetërore Meteorologjike paralajmëroi pesë ditë para përmbytjeve se mund të ketë një stuhi të paprecedentë shiu.

Pjesëmarrja zyrtare e protestuesve u vlerësua të ishte rreth 130,000. Shumë prej tyre ishin paqësor, të tjerë u përleshën me policinë përpara Bashkisë së Valencias.