Protesta në Bërxullë të Tiranës është shoqëruar përsëri me tensione e deri në presione për vetëflijim, si pasojë e shpronësimeve nga projekti i rrugës Thumanë-Kashar.
Njëri prej banorëve ka kërcënuar se në tubimin e radhës do të mund të kryejë vetëflijimin nëse situata nuk zgjidhet.
Sipas tij kryeministri Rama po fshihet pas ministres së Infrastrukturës Belinda Balluku në këtë çështje, ndërsa kërcënoi se do vetëflijohet në protestën e radhës.
Ai u shpreh se nëse nuk do marrë zgjidhje për pronën “do marrë benzinë dhe shkrepëse” dhe do vetëflijohet.
“Kryeministri fshihet pas Ballukut, paçin faqen e zezë. të vish këtu dhe të bësh këto veprime me fshatarët është e paimagjinueshme, mos ta vonojë më, ai kryeministër, ajo ministre, ata drejtorë e qeveritarë. Të vijnë brenda javës dhe ta zgjidhim përfundimisht. Ne nuk jemi kundër rrugës dhe zhvillimit por duam hakun tonë. Le të negociojmë , unë jam fshatar kam pikëpamjet e mia, nuk shkoj dot në qytet. Radhën tjetër do marr shishen e benzinës, shkrepësen dhe do vetëflijohem këtu, qofsha më i poshtri po nuk e bëra, u jap fjalën, herën tjetër do flijohem këtu. Është toka jonë”, u shpreh ai.
Një tjetër banore, ka deklaruar se është dhunuar nga një polic, kur ajo qëndronte ulur në tokë, si formë proteste. Sipas saj, një polic e ka goditur atë me këpucë.
Bëhuni pjesë e Zoom.al 👇👇
Related Posts
None found
