Kjo lëvizje zyrtare nënkupton një ndryshim të rëndësishëm për Dukën dhe Dukeshën e Sussex-it, Meghan Markle, të cilët kanë banuar në Kaliforni që kur u larguan nga rolet e tyre si anëtarë të familjes mbretërore në mars të vitit 2020.

Vendimi për t’u larguar nga pasuria pasoi një periudhë marrëdhëniesh të tensionuara midis Sussexëve dhe Familjes Mbretërore, veçanërisht të përkeqësuar nga zbulimet e bëra në kujtimet e Princit Harry, të botuar në janar, vitin e kaluar.

Në kujtimet e tij, Harry diskutoi hapur përçarjet në familjen mbretërore, duke përfshirë tensionet me anëtarët e familjes së tij, sidomos me të vëllain, Princin e Uellsit.

Ndonëse ky lajm u bë publik së fundmi, dokumenti tregon se ndryshimi i vendbanimit është zyrtarizuar më 29 qershor të vitit 2023. Kjo datë përputhet me konfirmimin e Buckingham Palace se Princi Harry dhe Meghan kishin liruar Frogmore Cottage, pronë në Britani. Frogmore, e vendosur në Home Park Estate, iu dhurua çiftit nga Mbretëresha Elizabeth II. /ZOOM.AL/