“Himara këtë fundjavë bosh fare ” shkruan Rama poshtë një fotoje, që komentuesit thonë se kryeministri e ka “vjedhur” atë nga një llogari tjetër, pa i vendosur autorësinë. Fotografia është postuar një ditë para nga autori dhe kryeministri e ka ripostuar atë pa asnjë kredit.

Fotoja shoqërohet me qindra komente ironizuese ndaj Ramës dhe sezonit turistik duke shkruar se aq persona sa janë në foto, i ka vetëm kati i parë i një pallati. Disa pretendojnë se shkrepja nuk është bërë gjatë kësaj fundjave pasi kishte reshje intensive.

“Rama tours”, “Rama News” tallen të tjerë ndjekës teksa theksojnë se kryeministri po bën humor me foton nga plazhi publik i Himarës.