Sherri mes dy vëllezërve ka përfunduar me një të plagosur mbrëmjen e së enjtes në Elbasan.

Kujtim Kaca mësohet se pas një konflikti për motive të dobëta ka goditur me thikë vëllain e tij.

Ngjarja ndodhi në banesën e 49-vjeçarit në fshatin Bixelle.I plagosuri, Altin Caca është dërguar në spital ku ndodhet jashtë rrezikut për jetën. Ndërsa i vëllari është arrestuar nga policia.

Njoftimi i policisë:

Plagosi me mjet prerës (thikë), vëllanë e tij, pas një konflikti të çastit për motive të dobëta, në banesë, falë reagimit të menjëhershëm të shërbimeve të Policisë, kapet dhe vihet në pranga 49-vjeçari.

Shërbimet e Komisariatit të Policisë Elbasan, menjëherë pas marrjes së njoftimit se në fshatin Bixelle, Elbasan, një shtetas ishte plagosur me mjet perës (thikë), kanë organizuar punën për zbardhjen e rrethanave të këtij rasti, identifikimin dhe kapjen e autorit.

Si rezultat i veprimeve të shpejta dhe profesionale nga Policia, u identifikua, u kap dhe u arrestua në flagrancë shtetasi K. K., 49 vjeç, banues në fshatin Bixelle, Elbasan, pasi dyshohet se mbrëmjen e djeshme, në banesën e tij, në fshatin Bixelle, pas një konflikti të çastit, për motive të dobëta, ka dëmtuar me mjet prerës (thikë), vallanë e tij, shtetasin A. K., 46 vjeç.

46-vjeçari ndodhet në kujdesin e mjekëve, jashtë rrezikut për jetën.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

 

 

---

Related Posts

None found