Aplikacion
Tifozët “granata” nuk e kanë kapërdirë aspak mirë humbjen me rezultat të thellë në transfertën ligure dhe kanë dalë të presin autobusin e skuadrës në hyrje të qytetit, duke u kërkuar llogari futbollistëve për paraqitjen e dobët.
Fillimisht pati tension në përballjen mes disa tifozëve dhe drejtuesve të klubit Comi e Moretti, ndërsa situata u qetësua kur u afruan trajneri Davide Nicola, kapiteni Andrea Belotti e disa futbollistë të tjerë të ekipit.
Tekniku i skuadrës garantoi tifozët se ekipi ka harruar menjëherë humbjet e fundit dhe po përgatitet edhe psikologjikisht për dy ndeshjet e fundit të sezonit, ndaj Lazios në mesjavë dhe ndaj Beneventos fundjavën e ardhshme.
Nga ana tjetër nuk kanë munguar as batutat, teksa një tifoz i mërzitur, i është drejtuar Belottit me fjalët: Edhe unë po të marr ato miliona të rrogës tënde, të siguroj që i shënoj 20 gola në sezon”, duke shkaktuar edhe ilaritet në ballafaqimin mes palëve.
Të bukura, por të rrezikshme! Pse disa vende kanë ndaluar të brendshmet me dantellë