I plagosuri me iniciale R. C., raportohet se është jashtë rrezikut për jetën. I riu së bashku me dy vëllezërit e tij, 40-vjeçarin me iniciale K. C.,  dhe 28-vjeçarin me iniciale M. C., janë përfshirë në një konflikt të çastit me baba e bir, A. K., 51 vjeç dhe E. K., 25 vjeç. Ngjarja ndodhi në lagjen e Plazhit.

Pas ngjarjes e cila ndodhi rreth orës 03:20, është vendosur në pranga 51-vjeçari, si dhe po punohet për kapjen e djalit të tij. 

“Rreth orës 03:20, dyshohet se pas një konflikti të çastit, në një lokal në lagjen nr. 13, ndërmjet shtetasve R. C., 25 vjeç, K. C., 40 vjeç dhe M. C., 28 vjeç, vëllezër, të tre banues në fshatin Fllakë, dhe shtetasve A. K., 51 vjeç dhe E. K., 25 vjeç, babë e bir, është plagosur me armë zjarri, në këmbë, shtetasi R. C., i cili është jashtë rrezikut për jetën.

Si rezultat i veprimeve të shpejta procedurale, është kapur dhe vënë në pranga njëri nga autorët e dyshuar të plagosjes, shtetasi A. K., si dhe po punohet për kapjen e djalit të tij, shtetasit E. K. Në drejtimin e Prokurorisë së Durrësit, vijojnë hetimet për të përcaktuar përgjegjësinë penale të shtetasve të përfshirë në konflikt, si dhe për të provuar ligjërisht rrethanat e tjera të këtij rasti”, thuhet në njoftimin zyrtar. /ZOOM.AL/