Festa e Pashkës ortodokse ka sjellë fluks të shtuar në hyrje të pikës kufitare të Kapshticës edhe gjatë 24 orëve të fundit.

Shtetasit shqiptarë që jetojnë dhe punojnë në shtetin fqinj po rikthehen në vendlindjen e tyre për të festuar pashkën dhe pse jo për të shfrytëzuar ditët e pushimeve.

Në Kapshticë kanë hyrë 6942 dhe kanë dalë 3274 shtetas. Në Qafë Thanë kanë hyrë 4070 dhe kanë dalë 3712 shtetas. Dyfishin e numrave regjistron Kakavija, pika më e madhe tokësore e vendit, teksa pritet që fluksi të rritet edhe më tej.

Edhe në pikën kufitare të Kakavijës është e njëjta situatë. Gjatë 24 orëve të fundit janë shënuar 11450 shtetas në hyrje – dalje, nga të cilët 7150 në hyrje dhe 4300 në dalje, si dhe 3264 mjete në hyrje – dalje, nga të cilat 2160 në hyrje dhe 1104 në dalje.

Në varësi të situatës punohet me sportele të shtuara dhe deri tani nuk ka pasur probleme me radhë në pritje. /ZOOM.AL/