zoom

Direct tv
DirectKërko
Direct Radio
Radio
Lajmet e fundit
Stil

Pas kritikave për heshtjen e humbjes së Matthew Perry, reagojnë aktorët e serialit “Friends”

Opinioni amerikan dhe mediat në veçanti kishin kritikuar heshtjen e kastit të serialit të famshëm “Friends”, të cilët nuk kishin shprehur publikisht ngushëllimet apo dhimbjen e tyre për humbjen e kolegut të njohur, në atë vdekje të mistershme.

Vdekja e yllit të “Friends”, Matthew Perry ka pasuar reagime të shumta e të ndjera nga bashkëpunëtorët e tij më të ngushtë dhe nga bota e arti, teksa pas kritikave iu bashkuan edhe aktorët e serialit.

Në një deklaratë të përbashkët për BBC, Jennifer Aniston, Courteney Cox, Lisa Kudrow, David Schwimmer dhe Matt LeBlanc kanë reaguar pas vdekjes së tij të cilët u shprehën: Ne jemi të gjithë shumë të shkatërruar nga humbja e Matthew. Ne ishim më shumë sesa thjesht shokë. Ne jemi nje familje. Ka kaq shumë për të thënë, por tani jemi të shkatërruar nga kjo humbje. Tani për tani, mendimet dhe dashuria jonë janë me familjen e Matty, miqtë e tij dhe të gjithë ata që e donin atë në mbarë botën”.

Perry vdiq të shtunën në shtëpinë e tij në zonën e Los Anxhelosit, në moshën 54-vjeçare. Perry, luajti në serialin NBC “Friends” nga viti 1994 deri në 2004 si  Chandler Bing . Shfaqja ishte një nga më të njohurat e epokës së saj.

Në rolin e tij, Perry u nominua për një Emmy në 2002 për aktorin kryesor të shquar në një serial komedi, dhe ai u nominua gjithashtu në vitin 2021 për producent ekzekutiv të specialit “Friends: The Reunion” në atë që atëherë njihej si HBO Max.

Morgan Fairchild, e cila luante rolin e nënës së Perry-t në ekran tha “jam zemërthyer për vdekjen e parakohshme të ‘djalit’ tim, Mattheë Perry”. LACFD tha se rrethanat e vdekjes së aktorit po hetohen nga Departamenti i Policisë së Los Anxhelosit dhe Ekzaminuesi Mjekësor i Qarkut të Los Anxhelosit. /ZOOM.AL/

 

Postimi i fundit

Policia në kaos, bandat në pushtet. Për çfarë i duhet posti Ministrit të Brendshëm?

Nga e njëjta kategori

Arkiva