Ligjvënësit vendosën të hënën të ndalojë detyrimin ndaj Bjellorusisë për të pranuar përsëri emigrantët që kaluan nëpërmjet territorit të saj në BE.

Votimi në dhomën e sipërme të parlamentit zyrtarizon masën që u njoftua nga presidenti Alexander Lukashenko në qershor.

Ministri i Brendshëm Ivan Kubrakov e përshkroi pezullimin e marrëveshjes si një “masë të përkohshme” dhe tha se emigrantët do të ripranohen sapo “marrëdhëniet të normalizohen”.

Lukashenko dhe zyrtarët e tij thonë se masa është pjesë e përgjigjes së Bjellorusisë ndaj sanksioneve të BE-së ndaj Minskut.

Polonia fqinje dhe Lituania janë përpjekur të përballen me një numër jashtëzakonisht të lartë emigrantësh, shumica nga Iraku dhe Afganistani, që mbërrijnë në kufijtë e tyre përmes Bjellorusisë.

BE ka akuzuar Lukashenkon për inkurajimin e fluksit të emigrantëve dhe përdorimin e tyre si armë në një “luftë hibride” kundër bllokut prej 27 vendesh.