Sipas një raporti të Financial Times, varianti më i ri që tani është përhapur në vende si Danimarka, Britania, India dhe Afrika e Jugut ka 27 mutacione që nuk ekzistojnë në llojin original të Omicron. BA2, ose Omicron 2, konsiderohet 30% -34% më ngjitës dhe Organizata Botërore e Shëndetësisë po heton variantin e ri, duke e cilësuar variant shqetësues si Alpha, Beta, Gamma, Delta dhe Omicron.

Dr. Nijan, Drejtor Rajonal i OBSH-së për Europën, tha në një intervistë se Omicron 2 pritet të dominojë globin. Ai shtoi, megjithatë, se nuk ka rrezik të riinfektimit për ata që tashmë janë infektuar me variantin origjinal Omicron, pasi dy variantet e koronavirusit nuk janë shumë të ndryshëm nga njëri-tjetri, megjithëse nevojiten më shumë të dhëna.

Në fakt, sipas një eksperti izraelit, ndryshimi kryesor midis Omicron-it dhe Omicron 2 është transmetueshmëria e tyre.

“Ai transmetohet më shpejt,” tha Dr. Nijan për nënvariantin e Omicron-it.