Teksa ai po konsumonte qetësisht një kafe në lokal, tre persona i afrohen nga hiçi dhe i kërkojnë llogari pse ka sharë Gjestin brenda shtëpisë së Big Brother VIP, në kuadër të një kamere të fshehtë.

Gjatë konfrontimit, Zebervoki nxori armën, e kjo gjë u komentua shumë në rrjetet sociale, gjë që ka shtyrë aktorin të reagojë.

Ai ka thënë se ka arritur ta menaxhohë situatën, por edhe që situatat e tilla mund të kenë pasoja të rënda.

Rrengu iu bë nga të rinjtë e Andale.al, një program në Youtube e TikTok, të  cilët po përballen me kritika të pafundme për idenë e rrengut të tyre. Komentusit thonë se kamera e fshehtë është zhvilluar në mënyrë të dhunshme duke justifikuar dhe veprimin e Zebervokit.

Të tjerë komentojnë se të rinjtë e kanë “merituar” reagimin e ish-banorit të BBVA. Në komente ka dhe akuza se Zebervoki ka thyer ligjin duke përdorur armën e tij të shërbimit, në një konflikt që nuk lidhet me punën e tij si polic.

Disa nuk e besojnë fare dhe shprehen se video është e inskenuar duke i quajtur të rinjtë, por edhe Zebervokin “aktorë të dobët”.