Putin tha se sulmi me këtë rraketë erdhi si përgjigje ndaj sulmeve ukrainase në territorin rus këtë javë ku u përdorën raketa amerikane dhe britanike me rreze të gjatë veprimi.

“Rusia do të njoftojë paraprakisht nëse kryen sulme të tjera me raketa të tilla kundër Ukrainës, që të mundësohet evakuimi e civilëve.”- tha Putin.

Putin tha gjithashtu se sistemet e mbrojtjes ajrore të Shteteve të Bashkuara nuk do të jenë në gjendje të kapin raketat ruse.

“Ne besojmë se kemi të drejtë të përdorim armët tona kundër objekteve ushtarake të vendeve që lejojnë përdorimin e armëve të tyre kundër objekteve tona. Dhe në rast përshkallëzimi të veprimeve agresive, ne do të përgjigjemi me vendosmëri me të njëjtën monedhë”.- u shpreh Presidenti rus në një fjalim drejtuar kombit.

Deklaratat e Putin erdhën disa orë pasi Ukraina njoftoi se Rusia kishte goditur me një raketë balistike ndërkontinentale gjatë natës qytetin qendror të Ukrainës, Dnipro.

Zëdhënësja e e Pentagonit Sabrina Singh tha se mund të konfirmonte se Rusia kishte lëshuar një raketë eksperimentale balistike me rreze të mesme veprimi. Ajo tha se Shtetet e Bashkuara ishin njoiftuar parapkrakisht nga kanalet e komunikimit të Qendrës së Reduktimit të Rrezikut Bërthamor.

Zhvillimet vijnë një një javë tensionesh të rrituran me Ukrainën që ka marrë miratimine SHBA dhe Britanisë së madhe për përdorimine raketave me rreze të gjatë veprimi brenda rusisë dhe kësaj të fundit që ka nxjerrë në fushëbetejë mijëra trupa nga korea e veriut.