Në studion e Top Story, Nora Malaj tregoi historinë tronditëse sesi nëna e Sokol Olldashit u ndëshkua për shkak të babait të saj dhe u urdhërua të ndahej, ose do të internoheshin. Në fund ata të dy u ndanë, teksa ndanë edhe dy djemtë nga njëri-tjetri.

“Në familjen tonë ishte një çift që duheshin shumë me njëri-tjetrin. Babi im punonte me bashkëshortin e saj, ime më ishte shoqe me zonjën e cila kishin qenë në Tiranë dhe erdhën në Durrës. Ne fëmijët ishim gati moshatarë, ne ishim dy vajza, ata dy djem. Zonja u ndëshkua për babain dhe çifti duhet të ndahej.

Zonja punonte ne Tiranë, ishte gazetare, nuk donte ta ndante por s’kishte ku ta takonte. Ata takoheshin në shtëpinë tonë, shikoja teta filanen që vinte dhe thoshin ça do bëjnë, i thoshin nëse nuk ndaheni do të internoheshin. Erdhi një moment që u zbuluan dhe tim atë dhe Vangjelin iu bë një gjyq i madh në institucionin ushtarak, babai im u ndëshkua më shumë. Historia është ajo zonja shkoi jetoi në fshat, ajo u detyrua të martohej me dikë tjetër.

U ndanë dhe dy fëmijët, nuk kam për ta harruar kurrë dramën që përjetuan ata fëmijë dhe prindërit që u ndanë ndonëse u deshën. Gjithë qyteti donte t’i mbronte, por nuk dinte si, kjo është historia e prindërve të Sokol Olldashit të shkretë, që kaluan një dramë kaq të madhe”, tregoi Nora Malaj ndër të tjera dhe e përlotur, historinë prekëse që pakkush e dinte. /ZOOM.AL