Nëse kancelari gjerman Olaf Scholz, do mbajë premtimin, Rusia do të marrë pjesë në konferencën e ardhshme për paqen në Ukrainë. Sipas Scholz, ai ra dakord për këtë në “bisedimet e tij konfidenciale” me presidentin e Ukrainës, Volodymyr Zelensky në bazën e forcave ajrore amerikane Ramstein.

Edhe ish-ambasadori ukrainas në Gjermani, Andrij Melnyk (tani ambasador në Brazil), konfirmoi gjithashtu qëllimin e Scholz për të biseduar me Rusinë: “Personalisht, unë besoj se kancelari Olaf Scholz mund të bëhet kreativ dhe të përdorë kanalet ekzistuese diplomatike të Gjermanisë, për të eksploruar nëse bisedimet me Putinin do të kishin kuptim”, tha Melnyk për Berliner Zeitung.

Por çfarë arrin realisht një samit i paqes me Rusinë? A dëshiron diktatori Vladimir Putin të negociojë?

Eksperti Thomas Jäger (Universiteti i Këlnit) tha për BILD për iniciativën e Scholz: “Putini nuk ka asnjë interes te negociatat nëse nuk është e qartë paraprakisht se ai do të marrë një pjesë të Ukrainës, do ta çmilitarizojë atë dhe nuk do të marrë asnjë garanci sigurie”.

Për Putinin, lufta dhe negociatat janë vetëm dy mënyra të ndryshme për të arritur qëllimet e tij në Ukrainë, shpjegon Jäger. Putini shpjegon kushtet e tij gjithnjë e më troç.

Sundimtari rus nuk e shpreh më “ofertën” e tij me një gjuhë të turbullt, por formulon kushtet mjaft qartë: Ukraina duhet t’i dorëzojë Rusisë zonat e “aneksuara”. Qëllimi i Putinit: “çarmatimi i Ukrainës dhe fitorja e Rusisë”, tha Jäger.

Eksperti për marrëdhëniet me jashtë në CDU, Roderich Kiesewetter kritikon propozimin e kancelarit si mashtrues: “Lëvizja e kancelarit ishte e parashikueshme sepse përshtatet me strategjinë e pjesëve të SPD për ta shtyrë Ukrainën në një pseudopaqe të vendosur nga Rusia, në të cilën mbështetja do të të reduktohet gradualisht dhe në vend të kësaj do të kërkohen negociata të rreme,” tha Kiesewetter për BILD.

Pjesëmarrja e agresorit në një samit të paqes nuk do të thotë asgjë tjetër.

Propozimi i kancelarit për të ftuar Rusinë në konferencën e paqes është jorealist, i jep popullatës gjermane një imazh të rremë dhe rrezikon sigurinë e Gjermanisë. “Scholz dëshiron të prezantohet si kancelar i paqes, por ai po e përkeqëson situatën për Ukrainën dhe kështu po dobëson sigurinë evropiane dhe gjermane”, vazhdoi Kiesewetter.

Për më tepër, kancelari po bie pre e dezinformimit dhe propagandës ruse, e cila është “absolutisht e hidhur”.

“Pika e tij e kthesës është pra farsa dhe historia.”